首頁 日報娛樂

拍拖睇「靚佬湯」新片 郭富城暖男Mode服侍愛妻

07/08/2018
■城城呢日戴口罩加茶色眼鏡遮樣陪愛妻。淡妝方媛吊住副茶色鏡喺下巴,成功搶鏡!
■城城呢日戴口罩加茶色眼鏡遮樣陪愛妻。淡妝方媛吊住副茶色鏡喺下巴,成功搶鏡! (1/6)
■Moka戴墨鏡時整亂頭髮,城城即替愛妻整理又調校cap帽。
■Moka戴墨鏡時整亂頭髮,城城即替愛妻整理又調校cap帽。 (2/6)
■未發現記者前,Moka小鳥依人繑夫行街街。
■未發現記者前,Moka小鳥依人繑夫行街街。 (3/6)
■上月,城城一家三口返方媛家鄉蕪湖市宴請親友,城城抱女好興奮。
■上月,城城一家三口返方媛家鄉蕪湖市宴請親友,城城抱女好興奮。 (4/6)
■月前,城城帶老婆去銅鑼灣外出消夜,順道揸部520萬林寶出嚟威。
■月前,城城帶老婆去銅鑼灣外出消夜,順道揸部520萬林寶出嚟威。 (5/6)
■上周,城城和周潤發主演新作《無雙》在北京舉行發佈會,兩人喺後台開心自拍。
■上周,城城和周潤發主演新作《無雙》在北京舉行發佈會,兩人喺後台開心自拍。 (6/6)

  52歲嘅郭富城,去年成功被現年31歲嘅國產嫩模方媛(Moka)收服,二人奉子成婚,同年9月誕下B女Chantelle。有女萬事足嘅城城,日前趁有日假即撇甩B女半日同太太去中環ifc拍拖。當日,城城貫徹低調作風,戴口罩加茶色眼鏡陪愛妻行街兼睇「靚佬湯」(Tom Cruise)套新戲。入場前,兩公婆先去買杯咖啡,城城唔介意當眾出手幫老婆整理頭髮及調校cap帽,美魔暖男溫柔又細心,畫面好有愛呀! 採訪 ︰ 張詠森

  城城自榮升人父後,對甜美嫩妻方媛寵愛不斷升級。4月時兩夫婦搭頭等艙去杜拜慶祝結婚一周年;月前晚上,城城更出動其「最新玩具」、520萬嘅林寶堅尼Huracán Performante辣跑載熱褲靚腿妻遊車河。

  日前下午,廿四孝人夫城城又帶老婆仔去中環ifc行街睇戲。城城潮孭個$26,700 LV Christopher PM大背囊;Moka就挽住個闊太至愛、Hermes黑色birkin bag小鳥依人繑夫shopping。兩公婆先去買咗袋運動衫,再去睇飯糰買嘢飲。星級夫婦一直被途人行注目禮,但二人都唔介意,繼續晒恩愛。見城城突然出手幫老婆整理頭髮及調校cap帽,wow,好閃囉!最後恩愛CP發現有記者,兩人都大方微笑,離去時更與記者親切吹水。問城城咁得閒陪老婆行街?佢護妻笑說:「唔好影啦!嚇親人呀!今日放假咪去睇Tom Cruise套戲!」然後禮貌道別,同太太入場睇靚佬湯(湯告魯斯)套《職業特工隊:叛逆之謎》,話晒影帝城城近年都會拍啲鬥智鬥力動作片,睇吓荷里活大片偷吓師囉,睇到8時許即取車返家湊女。

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd