首頁 日報娛樂

獲邀泰國南部遊 泰臣大玩皇帝feel

08/08/2018
■泰臣搵遊船上着住傳統服裝的工作人員幫手,成功扮了一陣「皇帝」。
■泰臣搵遊船上着住傳統服裝的工作人員幫手,成功扮了一陣「皇帝」。 (1/6)
■泰臣在《特技人》中,演傅嘉莉的前度明星男友。
■泰臣在《特技人》中,演傅嘉莉的前度明星男友。 (2/6)
■泰臣在天然溫泉Rakawarin Hot Spring Park上岩磐高溫瑜伽堂,撞正參選拉廊小姐的佳麗來參觀。
■泰臣在天然溫泉Rakawarin Hot Spring Park上岩磐高溫瑜伽堂,撞正參選拉廊小姐的佳麗來參觀。 (3/6)
■學整泰菜本來好好玩,點知泰臣自責因自己笨搞到喊。
■學整泰菜本來好好玩,點知泰臣自責因自己笨搞到喊。 (4/6)
■坐竹筏暢遊Kra Buri River,泰臣笑謂另一邊已是緬甸,好驚唔覺意非法入境喎!
■坐竹筏暢遊Kra Buri River,泰臣笑謂另一邊已是緬甸,好驚唔覺意非法入境喎! (5/6)
■鍾意食海鮮的泰臣,大歎成塊面咁大嘅炸軟殼蟹。
■鍾意食海鮮的泰臣,大歎成塊面咁大嘅炸軟殼蟹。 (6/6)

  最近客串TVB新劇《特技人》飾演賤男明星的泰臣,原來他早前趁有空檔獲「泰國旅遊局」邀請到泰國南部拉廊府(Ranong)和春蓬府(Chumphon)體驗新旅遊景點。由於不少旅遊景點原用當年第五代泰王拉瑪五世(Rama V)的南下路線,所以遊客仲有機會扮「皇帝」,鬼馬的泰臣當然唔執輸啦! 採訪:杜淑霞

  泰臣都有去過曼谷、芭堤雅和布吉等地旅遊,但總覺太多港人,「似去油尖旺多過去咗泰國。」今次真的畀到他泰國feel,「拉廊係泰國人口最少省府,唔似得旅遊區咁過度開發,仲保留自然生態同鄉郊環境,有番啲泰國風情。」

學整泰菜搞到「喊」

  講到此行最難忘,泰臣就覺得扮晒皇帝遊船河最過癮,「我哋坐艘Ranong Historical Cruise仿古遊艇出海,一上船有個着傳統服裝嘅姐姐幫手戴迎賓花環,之後大家再換上19世紀泰國貴族外遊服飾,男士着Baba,女士着Yaya,咁樣大家就好似上晒身,喺甲板扮晒皇帝皇后咁一路吹海風影日落兼食好西。」

  泰臣去到大打親親大自然旗號的民宿Ton Phet Greenery Garden住時,仲有機會參加體驗活動,親手學整泰菜,「呢次除咗有機會食到成塊面咁大嘅炸軟殼蟹外,仲有機會學整泰菜,以前就食得多,親手整都係第一次,原來都幾好玩幾易整,不過我好鬼笨咁,邊整邊捽眼,搞到辣親隻眼勁標眼水囉!」

其他文章
實力演員用心演出 入醫院梁靖琪拍到跣落山

    耗資近2億港元拍攝的警匪網劇《蝕日風暴》,由金牌電視製作人梁家樹領軍,集張智霖、王陽明...

hd