首頁 日報娛樂

太太挺8個月巨肚 謝天華做湊仔公陪母子開餐

08/08/2018
全程抱仔
■謝天華幾乎全程抱住3歲半嘅愛兒天天,乖仔手長腳長似足父親。現年45歲嘅Tina下月臨盆,肥肚無乜肥身。
全程抱仔 ■謝天華幾乎全程抱住3歲半嘅愛兒天天,乖仔手長腳長似足父親。現年45歲嘅Tina下月臨盆,肥肚無乜肥身。(1/6)
老竇勁風騷 ■歎紅酒嘅天華督快再做daddy,笑得好開心。
老竇勁風騷 ■歎紅酒嘅天華督快再做daddy,笑得好開心。(2/6)
講育兒經
■天華夫婦喺餐廳巧遇劉曉彤兩公婆,Tina手郁郁似向阿Bell分享湊仔經。
講育兒經 ■天華夫婦喺餐廳巧遇劉曉彤兩公婆,Tina手郁郁似向阿Bell分享湊仔經。(3/6)
分享喜悅 ■公告喜訊無耐,天華一家三口現身公開活動,人夫謂生仔生女都沒所謂,「孖」胎都好。
分享喜悅 ■公告喜訊無耐,天華一家三口現身公開活動,人夫謂生仔生女都沒所謂,「孖」胎都好。(4/6)
4月報喜
■4月時,天華大晒太太超聲波照片公告喜訊。
4月報喜 ■4月時,天華大晒太太超聲波照片公告喜訊。(5/6)
打的返豪宅 ■天華一家飯後搭的士返大坑豪宅,大肚Tina行得好輕鬆。
打的返豪宅 ■天華一家飯後搭的士返大坑豪宅,大肚Tina行得好輕鬆。(6/6)

  51歲嘅謝天華,05年與太太李天恩(Tina)結婚後,二人奮鬥十年,愛妻喺15年2月最終以42歲高齡一索得男,誕下可愛B仔謝浩飛(天天)。恨女恨到發燒嘅天華,今年4月再度報喜,公告愛妻懷孕接近四個月。日前晚上,做咗daddy後變暖男嘅天華,帶大肚妻和3歲兒子落銅鑼灣開餐。Dinner時天華不時露出幸福笑容,一家三口快變四口之家,勁溫馨呢!

        老來得子嘅謝天華,13年離開無線後,便自組公司「拉風工作室(Laughing Workshop)」,並由太太Tina擔任經理人。近年,佢主力北上賺奶粉錢,曾喺真人騷《跟著貝爾去冒險》挑戰食蟲,更要飲尿,雖吃盡苦頭,卻換來一大桶金。15年,天華斥資逾3,700萬購入大坑優雅閣一個1,700呎單位,現市值逾4,300萬,加埋北角一個地舖擁25%業權,幾年間人夫身家超過半億。

  天華早排拍內地網劇《套路》,上月尾爆出導演林淑貞險被性侵,好彩今個月頭終於殺青,天華終可返港做family man。日前晚上7時,天華和阿仔父子裝偕大肚妻去銅鑼灣晚膳。45歲Tina佗B近8個月,預產期為下個月,當日所見謝太體形和以前差唔多,肥肚無乜肥身。一家三口入咗百德新街一間西餐廳食飯,咁啱見到前藝人劉曉彤(阿Bell)夫婦。阿Bell育有一子兩女,自然同大肚Tina好好傾,兩位人母雞喙唔斷傾咗一輪湊仔經,阿Bell老公就同天天玩得好開心。其後,阿Bell兩公婆先走,天華就點菜又order咗杯紅酒飲,心情好靚。見謝太胃口大開,食完主菜即餵兒子食蛋糕,天華亦溫柔示範、教愛子用叉食cake。逗留一小時,一家人食飽離開,天華負責抱住餅印仔,打的返大坑寓所。

採訪 : 梁志明

其他文章
丹爺邊拍邊畀意見 《大師兄》新演員瞓身演出

由「宇宙最強」甄子丹主演的新戲《大師兄》將於本周四上映。導演闞家偉率領戲中飾演學生的四...

hd