首頁 日報娛樂

唔續約 返加國瘟男友 雷莊𠒇臨別夜蒲 開心攬仔

09/08/2018
激凸露腰
■雷莊𠒇每次去街都被影到用同一個啡色Longchamp袋,係好好好鍾意定堅慳錢呢?!
激凸露腰 ■雷莊𠒇每次去街都被影到用同一個啡色Longchamp袋,係好好好鍾意定堅慳錢呢?!(1/6)
無國界交友 ■當晚雷莊𠒇約咗兩男一女友人夜蒲,三個friend都唔係港人,無國界交友。
無國界交友 ■當晚雷莊𠒇約咗兩男一女友人夜蒲,三個friend都唔係港人,無國界交友。(2/6)
招牌牙
■笑笑口嘅雷莊𠒇,露出招牌哨牙。
招牌牙 ■笑笑口嘅雷莊𠒇,露出招牌哨牙。(3/6)
慳搭港鐵 ■雷莊𠒇和友人依依不捨道別後,急步搭港鐵。
慳搭港鐵 ■雷莊𠒇和友人依依不捨道別後,急步搭港鐵。(4/6)
男友放閃
■牙醫男友Brandon日前激罕po咗張女友錫面相,留言「Blessed」搞到網友以為佢求婚。
男友放閃 ■牙醫男友Brandon日前激罕po咗張女友錫面相,留言「Blessed」搞到網友以為佢求婚。(5/6)
吹氣撩仔 ■Juliette男友仔人肉速遞來港慰藉,本報喺ifc發現佢箍攬啜男友,超煙靭。
吹氣撩仔 ■Juliette男友仔人肉速遞來港慰藉,本報喺ifc發現佢箍攬啜男友,超煙靭。(6/6)

  24歲應屆雙料港姐冠軍雷莊𠒇(Juliette),早前自爆卸任後唔續約無線回加拿大,仲話去荷里活發展O添!港姐月底先比賽,Juliette日前已急不及待提早返歸,唔使玩視像見佢嗰位牙醫男友Brandon真身啦!臨別香江,Juliette相約班friends去蘭桂坊夜蒲farewell,離開時企街吹水半小時,然後仲同兩位外籍男友人攬攬依依不捨咁!因住俾小男友詐型呀!

因為棚哨牙兼跌watt素顏樣,搞到雷莊𠒇自當選後屢成攻擊對象,咁無癮加上無乜Job,坦言浪費一年時間,交棒畀新一任港姐冠軍後就敗走加拿大。一早已無心戀戰嘅Juliette,早排男友Brandon嚟港,女方寧願推job陪足男友9日,仲超甜話「我哋似超能膠鍾意黐埋一齊!」瘟仔上晒腦O架!

Deep V farewell

  O依家喺加國活得自在嘅Juliette,臨別香港時call咗幾個男女友人去蘭桂坊farewell。當晚9時左右,Juliette身穿低胸露腰top配鬆身褲,束上髮髻,孭埋最愛嘅啡色Longchamp手袋去Dragon-i join埋班friend。玩到凌晨12時許,Juliette笑笑口與友步出,然後繼續和兩男一女外籍friend企街吹水。身材激凸嘅Juliette表現hyper,肉緊攬完女友人,又轉個位攬吓黑皮膚嘅外籍男友人。眾人狂笑吹水,傾到唔捨得走。最後,慳妹Juliette睇睇手機,即與兩男友人互hug及say bye,再急步行去中環港鐵站,趕搭尾班車返天后嘅租住舊樓。



採訪 : 張詠森、梁志明

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd