首頁 日報娛樂

拍30年好姊妹做舞台劇 關寶慧劉雅麗 笑談「撞樣」

10/08/2018
■左起 : 演藝出身嘅劉雅麗、劉玉翠和關寶慧多年嚟都咁Friend,合作有晒默契。
■左起 : 演藝出身嘅劉雅麗、劉玉翠和關寶慧多年嚟都咁Friend,合作有晒默契。 (1/5)
■由蘇玉華(右二)和潘燦良發起的roundabout project,劉玉翠(左)及關寶慧唔收錢演出力撐。
■由蘇玉華(右二)和潘燦良發起的roundabout project,劉玉翠(左)及關寶慧唔收錢演出力撐。 (2/5)
■《她媽的葬禮》係一個有笑有淚嘅黑色喜劇,故事好touching。
■《她媽的葬禮》係一個有笑有淚嘅黑色喜劇,故事好touching。 (3/5)
■劉雅麗和關寶慧走埋一齊,成日比人認錯,兩人習以為常。
■劉雅麗和關寶慧走埋一齊,成日比人認錯,兩人習以為常。 (4/5)
■(左起) 關寶慧、劉玉翠、李婉華和劉雅麗係演藝學院好姊妹,可惜婉華在加拿大相夫教子,無法抽空回港捧場。
■(左起) 關寶慧、劉玉翠、李婉華和劉雅麗係演藝學院好姊妹,可惜婉華在加拿大相夫教子,無法抽空回港捧場。 (5/5)

  由蘇玉華和男友潘燦良發起,為行內人提供鑽研演技平台的Project Roundabout,第2年度將上演英國女劇作家Shelagh Stephenson成名作品《她媽的葬禮》舞台劇。新劇由劉雅麗(Alice)執導,出身演藝的劉玉翠、關寶慧及黄呈欣飾演劇中主角三姐妹。現實中劉雅麗、劉玉翠和關寶慧係相識30年的好姊妹,劉雅麗及關寶慧仲因為「撞樣」鬧笑話,關寶慧笑道:「最近上《流行經典50年》撞到舊街坊彭健新都搞錯。」劉玉翠還幽兩人一默:「下次搵醫生唔好整埋一樣樣!」採訪:方騫平 髮型:Bijing hair culture @i hair Lucas CHU(劉玉翠)、Zanki (關寶慧) 場地:帝樂德國餐廳

  《她媽的葬禮》將於10月9日至18日在香港藝術中心壽臣劇院上演,故事三姊妹在母親的葬禮前夕久別重逢,一起追憶往事,笑中有淚,劉玉翠圍讀時已感動到喊。問起劉雅麗、劉玉翠和關寶慧好姊妹「成長故事」,關寶慧記得92年3人約埋考第2次車牌,點知得她一個人「肥佬」,有種被掉低的感覺而爆喊,她笑說:「當時我好嬲,即換駕車師傅。」劉玉翠話:「讀演藝時我被選中做過主角開心到喊,佢哋冇『萄葡』反而安慰我,我哋呢班同學唔會勾心鬥角,認識30多年冇恩怨情仇,只有美好回憶。」

  劉雅麗又爆關寶慧永遠化濃妝,執到正返學,第一日返學見她係穿3吋高踭鞋,窄身褲配西裝褸。關寶慧笑說:「我好離譜,會嘥無限時間gel個短火柴頭,化妝劃粗眉返學,就算遲到都唔理,但好笑在每次坐的士趕返學,途經某個位,總見師兄黃秋生,但他都等緊巴士,佢無懼遲到,讀書時已練到好高境界。」講到「撞樣」,劉雅麗說:「一年前我哋企埋一齊,仲有人直衝過去關寶慧度問佢係咪Alice?」關寶慧則帶點忟憎:「試過比人話我似甄楚倩、李婉華、雪梨,所以我諗咗個要同Alice有分別嘅髮型,以示識別。」

其他文章
袁和平用心設計武打動作 張晉笑稱 Tony Jaa嚟報仇

由「天下第一武指」八爺袁和平執導、張晉領銜主演的功夫電影《葉問外傳:張天志》,將於本周...

hd