首頁 日報娛樂

阿媽目及實 無男人埋身 44歲楊恭如娘味歎越菜

10/08/2018
■戴口罩嘅楊恭如,不時四圍望,好怕人認出。
■戴口罩嘅楊恭如,不時四圍望,好怕人認出。 (1/6)
■早前,恭如拍咗套《狄仁杰之幽冥道》飾演武則天,被彈靚係靚不過唔夠霸氣。
■早前,恭如拍咗套《狄仁杰之幽冥道》飾演武則天,被彈靚係靚不過唔夠霸氣。 (2/6)
■恭如孭個香奈兒貴袋,但呢身打扮好有強國味。
■恭如孭個香奈兒貴袋,但呢身打扮好有強國味。 (3/6)
■兩母女朝夕相對,對到厭啦!食飯絕少吹水。
■兩母女朝夕相對,對到厭啦!食飯絕少吹水。 (4/6)
■化晒妝嘅恭如,44歲都幾省鏡。
■化晒妝嘅恭如,44歲都幾省鏡。 (5/6)
■恭如12年跟內地藝人鄭國霖,因合作《香木虎》而拍出愛火花。
■恭如12年跟內地藝人鄭國霖,因合作《香木虎》而拍出愛火花。 (6/6)

  現年44歲嘅楊恭如,95年奪亞姐冠軍後,被喻為「亞姐中的亞姐」,但女神外貌嘅佢因緋聞所累,遠走內地搵人仔。咁多年嚟,楊媽媽都好似超能膠咁黐實阿女,搞到個女變剩女。日前晚上,恭如母女返港,二人去咗銅鑼灣搵食,見孭住名牌袋嘅恭如滲出濃厚強國氣息,全身閃令令,好有大媽feel! 採訪 : 梁志明

  楊恭如08年與補習天王簡俊傑分手後,dry咗幾年,直至12年與細佢兩年嘅內地男藝人鄭國霖合演劇集《香木虎》,有傳兩人日久生情譜出姊弟戀。當時二人曾經畀人影到喺北京機場,拖住情侶行李箱,態度親暱雙雙坐車離開。不過戀情傳咗一輪,之後恭如又打回原形,出入只有媽咪陪伴。

  移居內地多年嘅恭如,間中都會返吓香港,日前晚上7時,戴口罩好怕人認出嘅恭如,孖母親連體現身銅鑼灣,兩母女喺利園附近慢慢行揀餐廳dinner。

  行行吓,揀咗間越南餐廳坐低,二人點了兩碗湯河,其間見恭如唧咗啲青檸汁落碟炸物及河粉度,酸酸地開胃啲。日對夜對嘅兩母女食飯時各自修行,好少吹水,阿女就間中睇電話打發時間。成餐飯二人靜過鬼,睇見都悶。逗留一小時,等阿媽打包袋外賣,二人就埋單離開。恭如雖然孭咗個CHANEL大手袋,但條令身褲加埋成個total look,好鬼娘。最後,兩母女好慳錢,坐小巴返家。

其他文章
個唱以舊歌講故事 鍾鎮濤給機會新人圓紅館夢

鍾鎮濤(B哥哥)將於11月24至25日在紅館舉行《故事繼續演唱會2018》,相隔十年再...

hd