首頁 日報娛樂

「死魚眼」平反 拍「視帝祥」扮父女 演技升班 麥明詩一秒爆喊無NG

24/08/2018
埋位即喊
■培養咗成個鐘情緒,麥明詩一埋位好快入戲,講幾句對白即喊,眼角有兩行真眼淚。
埋位即喊 ■培養咗成個鐘情緒,麥明詩一埋位好快入戲,講幾句對白即喊,眼角有兩行真眼淚。(1/7)
老竇護駕 ■「盲女」失控暴走,黎耀祥緊張護航,怕阿女出事。
老竇護駕 ■「盲女」失控暴走,黎耀祥緊張護航,怕阿女出事。(2/7)
四眼妹
■拍前,Louisa戴眼鏡睇劇本,仲怕整花個妝,放張紙巾喺鼻樑。
四眼妹 ■拍前,Louisa戴眼鏡睇劇本,仲怕整花個妝,放張紙巾喺鼻樑。(3/7)
拳毆謝東閔 ■祥仔用勁拳毆飾演有錢仔嘅謝東閔,幫阿女出氣。
拳毆謝東閔 ■祥仔用勁拳毆飾演有錢仔嘅謝東閔,幫阿女出氣。 (4/7)
挑戰盲女
■Louisa喺新劇飾演失明調音師。
挑戰盲女 ■Louisa喺新劇飾演失明調音師。(5/7)
無代溝 ■拍戲熟絡咗嘅謝東閔,為偶像前輩黎耀祥影「大肚相」,影完仲貼頭研究一番。
無代溝 ■拍戲熟絡咗嘅謝東閔,為偶像前輩黎耀祥影「大肚相」,影完仲貼頭研究一番。(6/7)
(7/7)

        26歲嘅「十優港姐」麥明詩(Louisa),兩年前被大台力捧,惜處女作《賭城群英會》撻Q,被狠評戲屎更被嘲「死魚眼」。影視累積更多經驗後,近日Louisa拍住視帝黎耀祥喺無線新劇《殺手》中扮演兩父女,話晒同視帝鬥戲,女方都不容有失。日前,Louisa和「爸爸」祥仔及謝東閔喺大坑拍外景。見飾演視障嘅Louisa演出一場喊戲時,話喊就喊,唔使NG一take過,三個人合作效率奇高,唔使三個鐘拍晒幾場戲收工嘞!

拍過四部劇集、四部電影嘅麥明詩,16年被派演出首部劇集《賭城群英會》,零經驗加上角色複雜,其歇斯底里嘅演繹方式未獲觀眾受落,「死魚眼」慘被攻擊。對此,當事人坦言雙眼係弱點。其後喺《使徒行者2》和《誇世代》演技逐漸進步,喺重頭新劇《殺手》中就被監製陳維冠睇中,安排Louisa做祥仔阿女。Louisa為新劇剪短留咗十幾年嘅長髮,飾演失明調音師。

睇劇本培養情緒

  日前晚上8時許,Louisa、祥仔和謝東閔(Brian)齊齊喺大坑拍外景。先見戴上假肚腩、飾演過氣殺手嘅祥仔喺大廈外standby,未幾就作狀跑走,一個簡單鏡頭一take過啦!之後輪到祥仔和Brian嘅對手戲,講述祥仔截停對方部靚車,再毆打Brian。兩個大男人先試兩次打戲,見祥仔作狀拳毆對方,Brian露出好痛嘅樣,落力配合。同時,場邊穿上白色長裙嘅Louisa已默默手拎劇本培養情緒,四眼妹Louisa木無表情獨自練戲。監製再roll機拍攝祥仔痛毆Brian一幕,連環拳加腳踢到對方坐地,Brian哀求祥仔停手。

  動作戲順利過關,等咗逾一小時嘅Louisa拎住盲公竹埋位,先拍一場逃跑戲,再同祥仔做對手戲。見祥仔係咁解釋、苦苦狠求「阿女」唔好走,但「盲女」掙扎要走,險被車撞。Louisa七情上面,一秒爆喊,睇見都可憐!直至導演嗌停,Louisa才慢慢平復心情,以紙巾拭淚,喊戲完成唔使眼藥水,唔怪得Louisa曾話過喊戲係佢強項,因為本身夠感性囉!

採訪 : 李維隆、梁志明

其他文章
爆古惑佬Gay味濃 曾志偉讚錢嘉樂報導有Heart

由曾志偉、錢嘉樂、鄭伊健、陳小春、謝天華和林曉鋒主演的新戲《黃金兄弟》將於本周四上映。...

hd