首頁 日報娛樂

偕爆肌新歡 甜蜜放狗 張曦雯「億萬H富豪」 男友真身曝光

28/08/2018
好登對
張曦雯早前曾冧爆表示「鍾意啲健康運動型」,呢日同佢連體出動嘅ABC大隻新歡完全係佢「杯茶」。二人連笑容都開始有夫妻相。
好登對 張曦雯早前曾冧爆表示「鍾意啲健康運動型」,呢日同佢連體出動嘅ABC大隻新歡完全係佢「杯茶」。二人連笑容都開始有夫妻相。(1/7)
33C索女 選美出身嘅Kelly不時喺社交網分享三點式泳照。
33C索女 選美出身嘅Kelly不時喺社交網分享三點式泳照。(2/7)
一家人
Kelly抱其他狗仔時,猛男哄埋一齊玩,似「一家三口」。
一家人 Kelly抱其他狗仔時,猛男哄埋一齊玩,似「一家三口」。(3/7)
默契湊狗 Kelly將柴犬Nala交予新歡,猛男即自動波帶狗散步,唔阻honey與友人吹水。
默契湊狗 Kelly將柴犬Nala交予新歡,猛男即自動波帶狗散步,唔阻honey與友人吹水。(4/7)
低調拍拖
Kelly與猛男外出都刻意低調無拖手,但男方間中掃佢背,力證親密關係。
低調拍拖 Kelly與猛男外出都刻意低調無拖手,但男方間中掃佢背,力證親密關係。(5/7)
120萬新車 今年4月尾,Kelly升呢為百萬波子車主,更以自己英文名字頭,加上生日日期作為車牌。
120萬新車 今年4月尾,Kelly升呢為百萬波子車主,更以自己英文名字頭,加上生日日期作為車牌。(6/7)
力捧上位
早前,Kelly有幸拍住「視后」唐詩詠(中)和李佳芯(右)拍新劇《白色強人》。
力捧上位 早前,Kelly有幸拍住「視后」唐詩詠(中)和李佳芯(右)拍新劇《白色強人》。(7/7)

        28歲嘅無線上位小花張曦雯(Kelly),去年開live打機真情流露爆粗,被宅男捧為「打機女神」。早前,33C女神被爆秘交身家億萬嘅H富商,生活暴富,買靚車、四圍飛歎世界,仲被影到疑似帶老竇去北角半山睇二千萬豪宅。日前下午,生活更上一層樓嘅Kelly孖高大爆肌新歡去貝沙灣放狗。疑似係「H富豪」真身嘅大隻男年約40歲,ABC外形兼笑容好charm又風度翩翩。當日呢位親密放狗男又掃背又幫手拖狗仔,O氹到女方鬼咁開心,一睇就知係Kelly嘅真命天子啦!

        近年被力捧嘅2012年華姐冠軍張曦雯,在《白色強人》中首度做女二,與視后唐詩詠及視帝郭晉安鬥戲。上緊位嘅Kelly,感情事更要步步為營,曾與胡杏兒老公李乘德、黃淑儀兒子徐肇平和富二代Daniel等傳過緋聞嘅佢,早前被揭秘交一名坐擁億萬身家嘅H富商,男方家住淺水灣,有過一段豪門婚姻,離婚後喜歡結交圈中小花。據悉,兩人於飯局中邂逅,Kelly去年跟Daniel分手後,即與H富商愈走愈埋。近月Kelly忽然富貴,4月底一擲約120萬元購入黑色新款保時捷四驅車,還配上其英文名的字頭及生日日期「511」作為車牌,盡顯身價。此外,社交網上不時大晒周遊列國靚相,7月又舉家到日本旅行;母親節時更偕媽咪到四季酒店歎spa,享受見習少奶生活。

斯文好笑容

  日前下午5時,拍完新劇《白色強人》、等緊10月到澳洲墨爾本拍新劇《解決師》嘅Kelly終於有時間拍拖嘞!一身運動look嘅佢和一位身材健碩嘅高大猛男並肩拖實女方隻柴犬Nala,約埋三、四個朋友仔去貝沙灣放狗。大隻男外形好smart,孭住個紅色袋,手瓜起𦟌,明顯係個gym迷,佢一直冧笑默默守候喺女友身邊。愛心Kelly不時與在場狗仔玩,猛男一直癡望女友。其間,Kelly抱起得意狗仔入懷,大隻男即哄埋摸吓狗仔,場面溫馨儼如一家人。見Kelly和男友好有默契,女方不時伸手入紅袋攞嘢;男方又會細心為女友掃背,加上ABC大隻男笑容好charm又風度翩翩,同美國回流香港嘅Kelly好鬼襯。玩到6時半,一行人慢慢行返貝沙灣住宅繼續gathering。

採訪 ︰ 李維隆、梁志明、李權威

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd