首頁 日報娛樂

溫哥華拍飲食節目 「陀地」黃淑儀Call齊親友幫手 

14/09/2018
■其中一集,GiGi姐烹調巨型皇帝蟹,睇見都食指大動。
■其中一集,GiGi姐烹調巨型皇帝蟹,睇見都食指大動。 (1/6)
■GiGi姐走訪當地蠔場,攞新鮮生蠔做菜。
■GiGi姐走訪當地蠔場,攞新鮮生蠔做菜。 (2/6)
■黃淑儀同老公徐景清好恩愛,講飲講食添唔少生活情趣。
■黃淑儀同老公徐景清好恩愛,講飲講食添唔少生活情趣。 (3/6)
■河石酒店總廚示範西式燒三文魚,黃淑儀則以中式炒飯互相交流。
■河石酒店總廚示範西式燒三文魚,黃淑儀則以中式炒飯互相交流。 (4/6)
■4年前,黃淑儀和徐肇平母子檔在《吾淑吾食》中大顯身手。
■4年前,黃淑儀和徐肇平母子檔在《吾淑吾食》中大顯身手。 (5/6)
■GiGi姐和溫哥華4大名廚之一的好友,精心炮製家鄉豬皮蘿蔔炆水鴨及秘製炸醬撈麵。
■GiGi姐和溫哥華4大名廚之一的好友,精心炮製家鄉豬皮蘿蔔炆水鴨及秘製炸醬撈麵。 (6/6)

  68歲嘅黃淑儀(GiGi姐)再為TVB主持新一輯《吾淑吾食》系列,今次喺自己地頭、移居多年嘅溫哥華就地取材,每集煮兩餸一湯,睇落無難度,但對GiGi姐來說就好用心,Call齊親友幫手仲瞓身做埋幕後,佢話:「其實我做埋資料搜集、PA到場地視察、買材料、司機、公關聯絡人,之後更要配合食材寫食譜……連屋企前後院都拍,好彩老公(徐景清)陪我,我哋可以寓工作於娛樂。」 採訪:方騫平

  GiGi姐喺13集節目中繼續大展廚藝,分別去酒莊、麵廠、在港口捉蟹釣魚、挖蚌掘蠔及到訪當地華人農場,親手採摘各種蔬菜發掘新鮮食材,連所有煮食餐具等都由寓所運出去:「自己做節目都想效果好,呢次專輯欠落好多人情債!好多深交,以至初相識嘅朋友,我只要一開聲,佢哋都毫無條件咁幫我。所以到最後一集,我親自下廚做沙律、牛扒、大蝦、雞翼等宴請40多位親友。」問到老公係咪佢Fans?她否定說:「我老公煮嘢都好叻,每次我返港佢就自己煮,所以唔會刻意讚我廚藝,但喺朋友面前就話俾足100分(面)我,我哋兩公婆坐埋會講飲講食,係維繫家庭嘅一個優勢。」

  今次GiGi姐無搵細仔徐肇平(Shaopin)出鏡,因為Shaopin拍嘅ViuTV新劇《身後事務所》同時播出,劇中徐肇平和陳國邦係「基民」。

  同囝囝打對台,GiGi姐竟然好「輕敵」:「我未睇佢演出呀,年初時佢只係輕描淡寫話會同陳國邦合作,我提佢:『對方係個高手,你要打醒十二分精神,好好學習呀!』」



其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd