首頁 日報娛樂

期待同黃宗澤袁偉豪做節目 小儀爆金剛怪癖

14/09/2018
■小儀指森美只同靚女好似陳敏之及麥美茵做節目,佢只能黐住金剛,但隨住金剛離巢,佢頭痕緊搵新拍檔。
■小儀指森美只同靚女好似陳敏之及麥美茵做節目,佢只能黐住金剛,但隨住金剛離巢,佢頭痕緊搵新拍檔。 (1/6)
■傅嘉莉、金剛、小儀及衛志豪到日本拍攝,寓工作於娛樂開心到跳起。
■傅嘉莉、金剛、小儀及衛志豪到日本拍攝,寓工作於娛樂開心到跳起。 (2/6)
■上海之行,謝東閔及沈卓盈各有崗位,一個係開心果另一個係班長。
■上海之行,謝東閔及沈卓盈各有崗位,一個係開心果另一個係班長。 (3/6)
■金剛同小儀在日本遇上小相撲手,當然唔放過集郵機會。
■金剛同小儀在日本遇上小相撲手,當然唔放過集郵機會。 (4/6)
■小儀、金剛講明唔過電,所以今次合作冇避忌。
■小儀、金剛講明唔過電,所以今次合作冇避忌。 (5/6)
■小儀以為靚女傅嘉莉好麻煩,原來份人相當爽直。
■小儀以為靚女傅嘉莉好麻煩,原來份人相當爽直。 (6/6)

  闊別兩年,阮小儀和金剛再合體主持「街坊廚神」系列,由於金剛已離開TVB外闖,本應合作添難度,幸得監製「吹雞」,金剛即歸隊,小儀馬上調動手上工作遷就金剛檔期,她笑說:「先後畀森美、金剛掉低後苦無對手,仲擔心搵邊個新拍檔合作會較好呢,呢次好驚喜,再唔係我想搵我最鍾意嘅大隻型男黃宗澤、袁偉豪頂上,我估佢哋一定有低能一面,希望他日有機會合作,佢哋掉開偶像包袱一齊做旅遊飲食節目會好好玩。」採訪:方騫平 場地:聘珍樓

  新一輯的《街坊廚神重出江湖》在上海及日本鳥取和姬路取景,嘉賓有謝東閔、龔嘉欣、沈卓盈、首次拍飲食旅遊節目的傅嘉莉及熟悉日本的衛志豪,後者更甘願以「星級助手」身份同行,成班後生仔好玩得埋,小儀說:「第一次同衛志豪出trip,原來佢好長氣,好似uncle咁要返酒店瞓個覺;之前我都驚傅嘉莉係『小姐』,合作過發現原來佢好豪爽。謝東閔冇乜腦,而且年紀最細係整蠱對象,佢經常記錯對白,成為眾人開心果;龔嘉欣似家姐咁好有主見好識得照顧人;沈大師係班長做事好認真,工作時好守紀律。至於回歸後嘅金剛明顯變得成熟,冇以前少爺仔脾性。哈,我預咗同佢再有緋聞,呢啲真係得啖笑,我哋好早經已分界線,互不鍾意,做兄弟已經好好,所以唔會避嫌,因為冇可能通電。」

  小儀又爆料指金剛係容易受傷的男人,在日本最愛去藥房買各式各樣的膠布、還有消暑用品、牙刷等,足足買了兩篋,好浮誇:「好奇怪,佢又乾淨,又有潔癖,但成日呢度損嗰度損,仲好易生頭瘡。上個日本Trip佢仲去激安店買女人體味香水,揀膚黑OL版,話係送畀台灣朋友喎,我諗佢唔會呃我哋自用啩,不過,佢喺我哋面前唔會猥瑣,可能唔啱對象。」

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd