首頁 日報娛樂

考進階潛水牌 拍《3日2夜》 Fit爆陳婉衡心急飛峇里晒身材

14/09/2018
■近年愛上潛水嘅Alycia,試過去浮羅交怡浮潛時被水母炸傷,她笑說:「工作人員話可以用醋或小便去處理被炸傷嘅皮膚,好在有醋,否則我惟有選擇用自己嘅小便囉!」
■近年愛上潛水嘅Alycia,試過去浮羅交怡浮潛時被水母炸傷,她笑說:「工作人員話可以用醋或小便去處理被炸傷嘅皮膚,好在有醋,否則我惟有選擇用自己嘅小便囉!」(1/6)
■Alycia順利取得「進階開放水域潛水員」證書,將出發往峇里深潛。
■Alycia順利取得「進階開放水域潛水員」證書,將出發往峇里深潛。(2/6)
■Alycia舉V在大珊瑚前影相留念,佢表示希望去外地潛水時能親眼見海豚、海龜等。
■Alycia舉V在大珊瑚前影相留念,佢表示希望去外地潛水時能親眼見海豚、海龜等。(3/6)
■考牌當日,Alycia見到魚群好開心,跟隨追逐。
■考牌當日,Alycia見到魚群好開心,跟隨追逐。(4/6)
■早前,Alycia(前)到巴塞隆拿拍攝《3日2夜》,大騷身材。
■早前,Alycia(前)到巴塞隆拿拍攝《3日2夜》,大騷身材。(5/6)
■貴為「無線咪神」,陳婉衡不時在ig晒水着派福利,巨胸、馬甲線好養眼。
■貴為「無線咪神」,陳婉衡不時在ig晒水着派福利,巨胸、馬甲線好養眼。(6/6)

  28歲嘅「無線咪神」陳婉衡(Alycia)有副36E、23、34靚Body,經常喺社交網站狂貼火辣身材照,4吋「事業線」、長腿及心形美臀靚圖無限量任睇。下星期,咪神又會跳出香港,孖17年落選港姐胡美貽飛去峇里拍《3日2夜》,Alycia透露買咗批bikini同陽光玩遊戲!日前,佢專登抽空去考埋「進階開放水域潛水員」牌,ready到當地深潛,仲話想有個識潛水嘅男友,齊齊到海底歷險,幾咁浪漫!採訪:李權威、袁東亮

鳴謝:潛水歷險會(http://www.divinghk.com)

        大台節目《3日2夜》,曾因班索女藝人陳婉衡、林泳淘、朱智賢、張曦雯等相繼着泳衣氾濫晒胸出事,搞到去年11月下「禁奶令」。但班咪神出鏡密實啲啫,私底下咪又喺社交網誌狂晒bikini。好似36E陳婉衡咁,葫蘆身形好吸睛,下周將有個大好機會、飛峇里拍攝《3日2夜》,奉旨着泳衣啦!

  除咗好心急同陽光玩遊戲,Alycia自從去年考咗個潛水牌後,日前下午亦抽空去西貢考埋「進階開放水域潛水員」(Advanced Open Water Diver),恨到峇里見識吓當地嘅海底世界。Alycia說:「早年首次跟教練喺沖繩潛水,覺得海底世界好靚、好寧靜,望住啲珊瑚和色彩繽紛嘅魚,好興奮。之後返到港就去考潛水牌,記得今年農曆新年出海上Advance堂時,啲水超凍,着咗三件保暖衣打底都凍到震呀!」

打卡熱點狂影

  當日,Alycia在教練指引下穿好裝備,滿有信心落海考牌。見佢喺水底露出佻皮一面,不時同魚群嬉戲,見到珊瑚、生鏽呔盤等又玩一餐,輕輕鬆鬆上水,就獲頒發證書。考到進階牌、可以深潛至40米嘅Alycia話好恨到菲律賓、馬爾代夫等地潛水,即將到峇里嘅佢開心謂:「一早準備咗啲運動型和連身泳衣嘞!始終上鏡要保守啲,加上潛水衣都好密實,不過私底下梗係着bikini啦,我check好晒啲打卡熱點,買咗批靚泳衣,寓工作於影靚相嘛!」

其他文章
爆古惑佬Gay味濃 曾志偉讚錢嘉樂報導有Heart

由曾志偉、錢嘉樂、鄭伊健、陳小春、謝天華和林曉鋒主演的新戲《黃金兄弟》將於本周四上映。...

hd