首頁 日報娛樂

富二代男友照住 唔憂做 薛凱琪自由身 風騷歎茶

15/09/2018
隔空傳情
■Fiona歎茶時不時甜笑玩語音訊息,似向有米男友Byron報告行蹤。
隔空傳情 ■Fiona歎茶時不時甜笑玩語音訊息,似向有米男友Byron報告行蹤。 (1/7)
好貪靚 ■其間,Fiona睜大雙眼照鏡執妝。
好貪靚 ■其間,Fiona睜大雙眼照鏡執妝。(2/7)
一家人
■阿Fi和兩助手情如姊妹,一齊睇片又貼頭自拍。
一家人 ■阿Fi和兩助手情如姊妹,一齊睇片又貼頭自拍。(3/7)
少奶生活 ■不時露出倦意嘅阿Fi,唔通近日過慣行街歎茶嘅少奶生活,要瞓晏覺?!
少奶生活 ■不時露出倦意嘅阿Fi,唔通近日過慣行街歎茶嘅少奶生活,要瞓晏覺?!(4/7)
傳秘婚
■阿Fi早前更被指與男友已「秘婚」。
傳秘婚 ■阿Fi早前更被指與男友已「秘婚」。(5/7)
新劇做打女 ■本月22日開播嘅網劇《蝕日風暴》,Fiona飾演重案組高級督察,有連場打戲,搞到周身瘀傷。
新劇做打女 ■本月22日開播嘅網劇《蝕日風暴》,Fiona飾演重案組高級督察,有連場打戲,搞到周身瘀傷。(6/7)
古仔賞識
■古天樂喺自己投資嘅新電影《犯罪現場》中,預留一角畀阿Fi,可見古仔對佢大為賞識。
古仔賞識 ■古天樂喺自己投資嘅新電影《犯罪現場》中,預留一角畀阿Fi,可見古仔對佢大為賞識。(7/7)

        37歲嘅薛凱琪(Fiona、阿Fi),月前同合作6年嘅太陽娛樂約滿後無續新約,有傳好友麥浚龍(Juno)曾斟佢過檔;同時,「娛圈大亨」古天樂(古仔)旗下開設多間經理人公司,亦有意羅致Fiona。加上有傳富二代男友鄧浩基(Byron)力撐,Fiona好有機會自組工作室喎!近日回復自由身嘅阿Fi,日前傍晚好得閒與助手去銅鑼灣happy hour。當日見化靚妝嘅阿Fi心情大好,成日笑笑口吹水又開心自拍,風騷到暈! 採訪 : 李維隆、梁志明

        薛凱琪自從2012年加盟太陽娛樂後,7月底合約正式屆滿,有傳揸fit人黃柏高(Paco)曾開出八位數續約價「留人」,但阿Fi仍不為所動,皆因有傳Juno、古仔都想搵佢合作。

秘拖4年

  最新更有指阿Fi獲有米男友Byron睇實,有機會自組工作室,就可以自己揸弗、話晒事啦!Byron係隱形富豪鄧邦個仔,自己亦擁有陽明山莊物業、亦係「喜盈運」嘅馬主,同阿Fi識咗十幾年,有傳二人秘拖4年,早前女方不時出入男方嘅陽明山莊寓所,而驚傳秘婚,但阿Fi強調未婚,仲死口撐話一日未結婚一日都會自稱單身喎!

  日前下午5時許,外遊完返港嘅Fiona與兩女助手去咗銅鑼灣百德新街嘅餐廳happy hour。三人坐喺露天座位,悠閒飲嘢吹水。阿Fi一向對兩位女助手超好,好似月前其中性打扮女助手Van生日,阿Fi都專登約埋壽星女、長髮女助手和媽咪等飛去日本慶生。當日,見阿Fi不時笑笑口玩手機,玩咗一輪語言訊息,再與身邊人齊齊睇手機,睇完又一齊笑,三女又貼頭自拍,感情似足一家人。輕輕鬆鬆一小時,眾人才離開行去怡東酒店打躉。原來阿Fi等人call咗的士,喺酒店lobby hea等廿分鐘先步出上車返家。

其他文章
入行20年首度在港開個唱 孫耀威揚言睇到觀眾嘩嘩叫

43歲的孫耀威(Eric)入行20年,將於11月16及17日在九展舉行首個香港個人演唱...

hd