首頁 日報娛樂

張寶兒「危駕」推車仔 Young Look關詠荷零食O氹女

24/09/2018
■同老公愈嚟愈似樣嘅關詠荷,紮辮又打扮少女,買咗成車零食呀。
■同老公愈嚟愈似樣嘅關詠荷,紮辮又打扮少女,買咗成車零食呀。 (1/7)
■揀揀吓,見佢有幾聲咳,個樣病病地。
■揀揀吓,見佢有幾聲咳,個樣病病地。 (2/7)
■自備環保袋嘅關詠荷保養得宜,睇落邊似54歲。
■自備環保袋嘅關詠荷保養得宜,睇落邊似54歲。 (3/7)
■收工後化晒妝嘅Bowie,見到美食可愛伸脷。
■收工後化晒妝嘅Bowie,見到美食可愛伸脷。 (4/7)
■Bowie忍唔住試食螺絲粉。
■Bowie忍唔住試食螺絲粉。 (5/7)
■有兩袋戰利品嘅Bowie,好危險咁推車仔上扶手電梯。
■有兩袋戰利品嘅Bowie,好危險咁推車仔上扶手電梯。 (6/7)
■Bowie去年同37歲袁偉豪拍特輯撻着,有傳男方有意守孝一年,下年娶有米女友。
■Bowie去年同37歲袁偉豪拍特輯撻着,有傳男方有意守孝一年,下年娶有米女友。 (7/7)

  影帝張家輝愛女張童開學喇!做廿四孝媽咪嘅關詠荷咪有私人時間,可以行街Free吓啦!日前下午,美魔女張太獨自去銅鑼灣嘅超市上糧,見佢揀嚟揀去都係零食,一睇就知買嚟O氹小公主啦。同場,仲見到袁偉豪個富貴女友張寶兒(Bowie),千金邊行邊試食,為食相出晒嚟,最後索性推埋架購物車上扶手電梯,睇見都牙煙! 採訪:梁志明

  狂吸金嘅張家輝醉心拍戲,男主外,女主內囉,54歲靚老婆關詠荷就全職湊12歲獨女張童。日前下午,美魔女趁乖女去學嘢,獨自行時代廣場嘅超市。靚媽咪一身灰tone衫裙配白色綁繩鞋,染咗把墨綠金色頭髮,孭埋個背囊,成個look後生晒。見佢先睇吓蔬果、凍肉,睇咗陣咳咗兩聲索吓鼻,似作感冒。然後主攻買零食,蝦餅、牛肉乾、餅乾等,買到成個購物籃滿晒。最抵讚,係張太自備環保袋,畀完錢再出商場等司機接載返家。

  同一日,家住禮頓山嘅張寶兒亦現身超市買嘢食醫肚。束上馬尾嘅Bowie買咗啲薯片、嘢飲和朱古力後,推住架車仔準備離開時,見到熟食counter啲美食好吸引,即可愛伸伸脷露出為食樣。之後千金試食螺絲粉再有幫襯,買咗盒水牛芝士螺絲粉沙律,以及煙三文魚墨西哥卷。離開時,Bowie似乎唔識路,望幾望再索性推埋成架購物車上扶手電梯,然後轉(車立)落停車場走人。

其他文章
實力演員用心演出 入醫院梁靖琪拍到跣落山

    耗資近2億港元拍攝的警匪網劇《蝕日風暴》,由金牌電視製作人梁家樹領軍,集張智霖、王陽明...

hd