首頁 日報娛樂

三代同堂拍廣告 羅敏莊為女留可愛聲出碟

03/10/2018
■Mimi覺得三代同堂拍廣告,最大得着是影了很多靚相。
■Mimi覺得三代同堂拍廣告,最大得着是影了很多靚相。 (1/6)
■廣告中,講台詞部份當然交畀Mimi和阿邦負責。
■廣告中,講台詞部份當然交畀Mimi和阿邦負責。 (2/6)
■囡囡陳禛的唱片正式面世,Mimi認為是紀念性居多。
■囡囡陳禛的唱片正式面世,Mimi認為是紀念性居多。 (3/6)
■原來最初是阿邦提出要留低囡囡可愛歌聲,Mimi當然贊同。
■原來最初是阿邦提出要留低囡囡可愛歌聲,Mimi當然贊同。 (4/6)
■Mimi讚媽咪是「何文田狄波拉」,拍廣告更要扮靚啲。
■Mimi讚媽咪是「何文田狄波拉」,拍廣告更要扮靚啲。 (5/6)
■雖然媽咪和囡囡都冇乜演出經驗,但Mimi讚表現夠自然。
■雖然媽咪和囡囡都冇乜演出經驗,但Mimi讚表現夠自然。 (6/6)

  羅敏莊(Mimi)最近跟老公陳國邦、囡囡陳禛和媽咪三代同堂為保險公司拍廣告,Mimi笑指媽咪後生好靚女,更大讚這個「何文田狄波拉」首次幕前演出夠自然。至於Mimi愛女陳禛繼去年聖誕出歌後,近日正式推出唱片《HELLO FIVE》,Mimi強調只為留住囡囡可愛歌聲作紀念,故不會刻意宣傳谷銷量。 採訪:杜淑霞

  最初獲邀三代同堂拍廣告,Mimi都不敢相信,「媽咪後生好靚女,我封佢做『何文田狄波拉』,但係最初都擔心,始終媽咪冇演出經驗,唔知應唔應付到,唔好話媽咪,其實阿女都唔係太識演戲,好在廣告商只要求我哋好似平日咁相處,佢哋再去捕捉,唔使刻意做啲咩,佢哋做番自己就自然好多。」

擔心囡囡黐脷筋

  講到囡囡陳禛出唱片,由於趕不及去年聖誕推出,只製作了一首歌送給朋友紀念,最近唱片《HELLO FIVE》終於面世,除收錄了8首英文歌,更有該8首歌伴奏音樂,原來這是Mimi刻意安排,「其實阿女好多歌都喺學校學識唱,特別係啲英文舊歌,所以要求唱片公司加埋伴奏音樂,等啲小朋友可以自己跟住唱。」Mimi更自爆錄音時發現囡囡咬字不清,要急搵人幫手,「阿女3個月大時,我媽咪發覺佢有啲黐脷筋,嗰時就做咗手術,但係錄音時都發覺佢仍然有啲口齒不清,都擔心佢係咪黐脷筋呢?於是搵咗個語言治療師幫手,學咗幾堂就OK,所以碟裏面會聽到佢有啲歌咬字清楚啲,有啲冇咁清楚㗎!我覺得紀錄低佢嘅轉變同成長幾得意。」

其他文章
袁和平用心設計武打動作 張晉笑稱 Tony Jaa嚟報仇

由「天下第一武指」八爺袁和平執導、張晉領銜主演的功夫電影《葉問外傳:張天志》,將於本周...

hd