首頁 日報娛樂

47歲生日宣佈回復單身 江美儀同舊愛常聯絡

05/10/2018
■被她「欺負」的「街僮」陳浚霆係江美儀生日會席上客,兩人更簽埋同一個經理人,關係變得密切。
■被她「欺負」的「街僮」陳浚霆係江美儀生日會席上客,兩人更簽埋同一個經理人,關係變得密切。 (1/7)

  上月20日係江美儀47歲生日,當日她先約亞視老友何慕詩及饒珮君午飯,晚上和妹妹、父母、經理人、助手及一班圈外人在家中慶生,屢傳分手的「男友」吳君祥就無影!她欲言又止,終於獨家向本報承認兩人其實早已分手兩年:「o依家係時候要宣佈單身,當日唔想公開,因為怕有負面嘢,咁對佢同屋企人都唔好,低調分開會較舒服。佢同佢屋企人仲對我好好,我唔想因為分手影響到佢!」 採訪:方騫平

  江美儀用「常聯絡的好朋友」來形容和吳君祥現有的關係,所以至今仍處處維護他,問到分手原因,美儀反問說:「真係要講呀?仲想低調宣佈件事,我同佢因為步伐唔一致而分手,加上近兩年佢去咗北京工作,大家聚少離多,就算分手後我哋都間中有約食飯,佢屋企人對我好好,我同冬叔(夏春秋)同月同日生日,今年君如都有叫埋我去參加家庭活動,不過,咁啱我正日搞生日會去唔到。」

單身生日唔寂寞

  之前傳過吳君祥背她「偷食」,江美儀強調與此事無關:「其實佢唔係一個衰人,一直對我唔差,(但你將女人10幾年黃金時間畀晒佢喎!)哈,唔好咁講,我仲有好多黃金時間,o依家我仲咁Fit!感情事隨緣啦,生日願望身體健康,遇到一個好劇本、好角色過吓戲癮,明年我又回復自由身,係大展拳腳時候。」她強調就算單身,生日都唔寂寞:「每年都有好多朋友同我慶生,尤其係今年移民美國嘅妹妹回港,好耐未試過一家4口齊齊整整去慶祝,所以兩老特別開心,而且我好享受自由自在感覺。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd