首頁 日報娛樂

過氣肉女 47歲甄楚倩 露腩肉湊仔 52歲關秀媚 滑肌激凸

06/10/2018
擴胸冧母
■身材走樣嘅甄楚倩,見到高大兒子扮大隻嘅chok樣,即時爆笑。
擴胸冧母 ■身材走樣嘅甄楚倩,見到高大兒子扮大隻嘅chok樣,即時爆笑。(1/7)

  好多活躍於8、90年代嘅藝人近年鹹魚翻生,但亦有息影後甘於平淡。好似同樣篤信密宗嘅第一代「晶女神」關秀媚(Suki)和歌手甄楚倩(Yolinda)咁,前者五十有二,食「鮮肉男友」保凍齡。另一邊廂,嫁咗人生仔做少奶嘅Yolinda,日前下午一身運動look露豬腩肉與17歲乖仔現身銅記,兩母子有講有笑勁溫馨,唔怪得TVB搵佢上《流行經典50年》,湊仔大過天嘅佢都say no啦!

        那些年甄楚倩唱得跳得攞過金唱片,98年卻為電影《滿清十大酷刑之赤裸凌遲》露點演出。01年,佢為新加坡富商秘密生仔後入住半山豪宅,一直深居簡出,但仍有與圈中人聯繫,間中為接待密宗再公開露面。日前下午,對身材充滿自信嘅Yolinda慣着緊身運動衫出街,孖17歲高大愛子齊齊現身時代廣場。兩母子沿途有講有笑行去摩利臣山道等巴士。等車時,素顏媽咪除下外套,露出運動型bra top、水桶腰及雪白豬腩肉,然後拎紙巾先為「前世情人」細心抹汗,再為自己抹。此時,愛子突然擴胸扮大隻佬,阿媽見囝囝chok樣隨即爆笑,甜在心頭。

  另一日,關秀媚亦激凸現身銅鑼灣。曾為第一代「晶女神」嘅Suki,02年捲入醉駕頂包官非判監14日,未幾絕迹影圈。傳靠投資致富嘅Suki,15年被指以4千萬購入干德道豪宅,生活無憂,感情亦好穩定,同細佢7年嘅前藝人李尚文拍拖12年,姊弟戀成功令昔日女神外表回春。日前晚上,僅搽唇膏嘅Suki手拎LV手袋去咗利園行街。見佢和女友人連行幾間衫舖,揭幾揭無幫襯,逗留廿分鐘就分頭走人。Suki獨自行去等車,雖然穿上白tee,仍難掩34D豐滿上圍,近睇皮膚無斑又無紋,保養得宜。

採訪 : 梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd