首頁 日報娛樂

突爆愛妻同已婚男曖昧 黃浩然愁容出走

09/10/2018
■面燶燶嘅黃浩然當日一身黑色打扮,衣着同心情一樣咁down。
■面燶燶嘅黃浩然當日一身黑色打扮,衣着同心情一樣咁down。(1/7)
■買完咖啡坐低,黃浩然不時緊張撥打手機,又凝重聽語言訊息。
■買完咖啡坐低,黃浩然不時緊張撥打手機,又凝重聽語言訊息。(2/7)
■其間,又忙send訊息,似心急搵人。
■其間,又忙send訊息,似心急搵人。(3/7)
■日前,黃浩然剛為拍咗5個月嘅無線新劇《多功能老婆》煞科。
■日前,黃浩然剛為拍咗5個月嘅無線新劇《多功能老婆》煞科。(4/7)
■去年12月,黃太晒胸同老公飲酒慶祝結婚周年紀念日,話「兩個傻人傻吓傻吓又12年啦!」
■去年12月,黃太晒胸同老公飲酒慶祝結婚周年紀念日,話「兩個傻人傻吓傻吓又12年啦!」(5/7)
■度假返港後,太太Kaka送上驚喜生日P,黃浩然錫錫答謝。
■度假返港後,太太Kaka送上驚喜生日P,黃浩然錫錫答謝。(6/7)
■8月尾,黃浩然開心話第一次喺外地,一家人為佢慶生。
■8月尾,黃浩然開心話第一次喺外地,一家人為佢慶生。(7/7)

        43歲黃浩然(Raymond),同任職形象指導嘅愛妻Kaka(莫家嘉)05年結婚,育有兩個7歲和5歲嘅兒子Kayden和Ransley。年底,黃氏夫婦邁向結婚13周年紀念日,「有心人」卻提早贈興,撰告密信放料,大爆黃太Kaka跟已婚男子Ray交往,破壞別人家庭幸福。美滿婚姻現暗湧,日前下午,Raymond唔使開工獨自離家,一支公揸車落銅鑼灣coffee shop散心。見佢愁容滿面樣又殘,唔通受報道困擾,無覺好瞓?! 採訪:梁志明

高大靚仔嘅黃浩然對太太從一而終,全因兩公婆甘苦與共,型夫好珍惜太太。尤其是Raymond一四年拍無線劇《張保仔》時,曾發燒及不能說話,證實患上罕見嘅「貝塞特氏症」要全面停工休息。愛妻對佢不離不棄,令人夫好感激太太一直將家庭放第一位。

  月前,黃氏一家四口才開開心心到溫哥華度假,並順道為Raymond慶生,幸福背後,模範家庭突現暗湧。日前爆料人指Kaka跟一名廣告製作已婚男Ray交往,並提供二人親密合照及三月時嘅曖昧私訊內容,黃浩然睇過「出軌證據」後先愕然再面色一沉,笑謂「呢啲好舊喎!」及「笑料一宗」,對愛妻絕對信任。

滿懷心事

  入行廿幾年、零緋聞嘅黃浩然無端被人指其愛妻疑出軌。日前下午三時許,Raymond獨自離家散散心。當日佢心情同衣着打扮一樣咁黑,在利園泊好車後,一直無厘神氣,頭耷耷行去連鎖咖啡店。見人多,人夫即掉頭走,行去禮頓中心間咖啡店,無咁多人靜啲,可以整理思緒。買完飲品後,Raymond坐低不停打電話,無人接後再玩語音訊息,表現心事重重又面燶燶。見佢一邊歎咖啡、一邊玩iPad,滿懷心事坐足成個鐘先肯走,然後折返利園取車離開。

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd