首頁 日報娛樂

12歲餅印女 亭亭玉立 緊張星媽關詠荷人肉監控

10/10/2018
鬧情緒
■平日拖手行街、感情超好嘅關詠荷兩母女,當日下雨天心情唔好,互不理睬。
鬧情緒 ■平日拖手行街、感情超好嘅關詠荷兩母女,當日下雨天心情唔好,互不理睬。(1/6)
引媽咪注意 ■表面嬲爆爆嘅童童,查實沿途不時偷望媽咪,仲邊行邊fing把遮,引對方注意。
引媽咪注意 ■表面嬲爆爆嘅童童,查實沿途不時偷望媽咪,仲邊行邊fing把遮,引對方注意。(2/6)
叉腰嬲嬲豬
■小公主張童等過馬路時,鼓埋泡腮叉腰向母親抗議。
叉腰嬲嬲豬 ■小公主張童等過馬路時,鼓埋泡腮叉腰向母親抗議。(3/6)
家輝工作狂 ■甚積極開工的張家輝,早前亮相長春電影節閉幕紅毯儀式。
家輝工作狂 ■甚積極開工的張家輝,早前亮相長春電影節閉幕紅毯儀式。(4/6)
心甜拖手
■過馬路時,阿女緊張拖實母親,令星媽甜在心頭。
心甜拖手 ■過馬路時,阿女緊張拖實母親,令星媽甜在心頭。(5/6)
十指緊扣 ■去年,關詠荷和囡囡十指緊扣散步回家,當時阿女僅高過佢膊頭,今年再飆高。
十指緊扣 ■去年,關詠荷和囡囡十指緊扣散步回家,當時阿女僅高過佢膊頭,今年再飆高。(6/6)

  新學年開始咗嘞!好多星媽星爸會親自湊小朋友返小學及幼稚園,但影帝張家輝太太關詠荷似乎係個緊張大師,堅持對12歲囡囡張童(Brittany)管接管送,做Bodyguard睇實阿女。日前下午,本報記者在銅鑼灣利園發現關詠荷兩母女,當日落住毛毛雨,媽咪接完乖女放學再去行街,買完嘢就齊齊行返跑馬地寓所。見張童亭亭玉立,愈大愈似Daddy溝媽咪嘅混合體呀!

影帝張家輝近年狂吸金,拍戲多產片酬又豐厚。老公負責搵錢,關詠荷亦全職湊女,除咗12年久休復出拍畢《情逆三世緣》後,又開始每日接讀國際學校嘅獨女放學、陪學溜冰、體操、吹長笛及補習班等,更有指虎媽曾請多達7位碩士畢業生替小公主補習,努力培訓資優女。

  本報不時影到關詠荷兩母女「拍拖更」行銅鑼灣。今年初,剛踏入12歲嘅童童,只係高過媽咪膊頭,過咗半年,阿女已經高過媽咪耳仔,亭亭玉立踏入青春期啦!日前下午,廿四孝媽咪又例牌接乖女放學,兩母女髮型一樣,童童似足父母,餅印咁款。二人去完利園買嘢,再各自打傘行返屋企。

小公主扭計

  當日兩母女塊面似足天氣灰灰暗暗,似係頂咗兩句,唔睬對方,各自修行。阿媽一味低頭不語;童童等過馬路時,嬲爆爆咁扁嘴叉腰望媽咪。不過細路女其實好愛錫媽咪嘅,揳車罅過馬路時帶頭行緊張拖實母親,媽咪甜咗一陣,未幾二人又分開行。關詠荷熟知乖女脾氣,唔會開聲鬧女,反而由佢冷靜自己行,阿女邊行邊fing把遮,引媽咪注意,最後行返黃泥涌道豪宅。

採訪 : 梁志明

其他文章
實力演員用心演出 入醫院梁靖琪拍到跣落山

    耗資近2億港元拍攝的警匪網劇《蝕日風暴》,由金牌電視製作人梁家樹領軍,集張智霖、王陽明...

hd