首頁 日報娛樂

潮店結業 有空Gathering 徐濠縈滿足 「分享症」 猛影

11/10/2018
帶機開餐
■阿徐一見美食上枱即係咁影;身旁嘅Karen(右)食咗先算。
帶機開餐 ■阿徐一見美食上枱即係咁影;身旁嘅Karen(右)食咗先算。(1/6)
運動身型 ■阿徐狂晒wakesurf風姿照,無胸但身材結實。
運動身型 ■阿徐狂晒wakesurf風姿照,無胸但身材結實。(2/6)
歎酒吹水
■三個女人一個墟,歎美食又飲酒。
歎酒吹水 ■三個女人一個墟,歎美食又飲酒。(3/6)
晒上癮 ■有「分享症」嘅阿徐,個人網誌成日po美食。
晒上癮 ■有「分享症」嘅阿徐,個人網誌成日po美食。(4/6)
悉心打扮
■潮徐一身穩陣黑色,拎個miumiu袋。
悉心打扮 ■潮徐一身穩陣黑色,拎個miumiu袋。(5/6)
Karen幸福肥 ■梁漢文太太Karen,緊身衫現少少幸福肥。
Karen幸福肥 ■梁漢文太太Karen,緊身衫現少少幸福肥。(6/6)

  Eason太徐濠縈,經營咗十年嘅潮店Liger上周正式結業,喺銅鑼灣店舖搞咗個結業派對,14歲囡囡康堤都有現身支持,非常熱鬧。唔使再落舖打躉做人肉生招牌,阿徐大把時間啦!日前一連兩日就被本報記者捕獲,其中一晚,阿徐悉心打扮約咗梁漢文太太Karen(林文慧)和另一靚太,去咗中環九如坊「食好西」。一向有「分享症」嘅阿徐,仲帶埋部專業相機,食物一上枱,相機食先備戰分享「彈藥」囉!

實體店與網店同時結業,阿徐話上年已有呢個決定,因為嚟緊想陪囡囡去外國升學,做跟得媽媽喎!加上做咗10年,想好好休息吓,佢話:「守業係幾大嘅考驗,雖然個關已過,但我身心俱疲,加上租約滿,正好休息一下。」無業一身輕,呢排阿徐不時出海玩wakesurf,大晒唔同造型嘅泳衣,而老公將於今個月27日在中環摩天輪底空地舉行慈善音樂會《LOVE IS LIVE》,話要回饋社會,老婆潮徐唯有自己搵節目啦!

  日前happy friday,人妻相約好姊妹梁漢文太太Karen及一位女友人去九如坊歎新派歐陸菜。向來有「分享症」嘅阿徐,無論fashion、美食定靚景,乜都愛影一餐,再喺個人網誌打卡等人畀like。呢晚,人妻同兩位靚太飯局,唔單止衣着上鬥一番,阿徐仲自備咗部Leica相機,每逢美食上枱,都第一時間影相先。坐喺身旁嘅梁太Karen無佢咁好氣,一味食食食。三位精心打扮嘅靚太gathering兩個鐘,最後由圈外靚太請客。步出門時,三位阿太打扮出色,緊身Karen、黑衫阿徐,壓軸嘅圈外靚太穿上斜膊top,最搶鏡呢!

採訪 : 李維隆、梁志明

其他文章
實力演員用心演出 入醫院梁靖琪拍到跣落山

    耗資近2億港元拍攝的警匪網劇《蝕日風暴》,由金牌電視製作人梁家樹領軍,集張智霖、王陽明...

hd