首頁 日報娛樂

技癢開騷以歌會友 周啟生讚陳奕迅好乖仔

12/10/2018
■近年,周啟生主力為演唱會做音樂總監,加上返內地做音樂創作工作,生活無憂。
■近年,周啟生主力為演唱會做音樂總監,加上返內地做音樂創作工作,生活無憂。 (1/6)
■由於二仔有自閉症,周啟生特別關心自閉症兒童,今次演唱會都會撥捐善款畀東華三院。
■由於二仔有自閉症,周啟生特別關心自閉症兒童,今次演唱會都會撥捐善款畀東華三院。 (2/6)
■周啟生現任太太係大提琴家司徒靄傑,經過兩次婚姻失敗,周啟生學懂夫妻相處之道,目前一家三口樂也融融。
■周啟生現任太太係大提琴家司徒靄傑,經過兩次婚姻失敗,周啟生學懂夫妻相處之道,目前一家三口樂也融融。 (3/6)
■契爺胡楓及大仔周樂為周啟生演唱會出力。
■契爺胡楓及大仔周樂為周啟生演唱會出力。 (4/6)
■對於陳奕迅,周啟生向來都讚好,只不過話過他不懂保護聲線,豈料惹來一場誤會。
■對於陳奕迅,周啟生向來都讚好,只不過話過他不懂保護聲線,豈料惹來一場誤會。 (5/6)
■五年前周啟生曾在伊館開show,當年修哥都係嘉賓。
■五年前周啟生曾在伊館開show,當年修哥都係嘉賓。 (6/6)

  相隔5年,資深音樂人周啟生再次踏上舞台舉行個人演唱會,他坦言開show係因為技癢!而且人到了57歲應該背負社會責任,所以今次個唱亦會為東華三院自閉兒童籌款,好有意義。周啟生同時大讚陳奕迅(Eason)舉行一場不售票小型音樂會以招待弱勢社群欣賞的構思非常好:「佢好乖肯聽我講,佢絕對要咁做,搵咁多錢應該回饋社會,有時唔係講錢,主要係攞個心去關心人,最好開紅館慈善show,將歌酬送晒畀窮人。」採訪:方騫平

  周啟生《Electric Dreams演唱會》將於11月2及3日舉行。音樂全部電子化,再加埋9人樂隊提升音效,故成本好貴,「基本上唱兩場得2000幾個位,就算坐滿觀眾都賺唔到錢,不過由細到大作曲都唔會為結果而做,做人唔好咁計較成就先會更大。今次我身份係歌手,到時會彈少啲,主力演繹經典歌《天長地久》、《離鄉別井》及伴隨成長嘅好歌《笛子姑娘》等,而契爺胡楓同黃百鳴會做表演嘉賓。為演唱會我有6隻新歌㗎,其中有首抒情英文歌係講舊居《蘇屋邨》,感慨細個時乜都冇,o依家乜都有,食得好住得好,反而冇以前咁好,慨歎社會、環境差咗,氣候又反常,歌曲讀白仲提及舊鄰居許冠傑、蔡楓華同黃家駒O添。」

欽點大仔做音樂總監

  今次演唱會周啟生欽點35歲大仔周樂做音樂總監:「喺大仔3歲左右就離婚,一直同佢關係都唔太好,直至大仔做咗爸爸,知道做爸爸唔容易終於和好,佢好乖好勤力,之前做過李克勤、阿倫音樂製作人,都算係承繼衣砵啦。二仔周爵有自閉症,雖然生得高高大大,但有時行為似4歲小孩,佢媽媽梁晶瑩冇現身10年,一直由我同現任太太照顧,佢教曉我點樣去做一個好爸爸,點樣去關心人,佢唔係我個包袱。至於7歲細女會幫我錄演唱會開場白,不過佢怕醜唔敢上台。」

其他文章
個唱以舊歌講故事 鍾鎮濤給機會新人圓紅館夢

鍾鎮濤(B哥哥)將於11月24至25日在紅館舉行《故事繼續演唱會2018》,相隔十年再...

hd