首頁 日報娛樂

苦等25年開處男騷 孫耀威預告隨時裸唱

12/10/2018
■孫耀威入行填寫資料,最想做的事情是舉行演唱會,直至去年加盟新唱片公司後舊事重提,因而成了好事。
■孫耀威入行填寫資料,最想做的事情是舉行演唱會,直至去年加盟新唱片公司後舊事重提,因而成了好事。 (1/6)
■孫耀威後生時流行滾軸溜冰,也曾在台上邊唱邊溜,今次在舞台上也會尋回昔日的樂趣。
■孫耀威後生時流行滾軸溜冰,也曾在台上邊唱邊溜,今次在舞台上也會尋回昔日的樂趣。 (2/6)
■Eric每日保持健身4小時,希望在舞台上可以演變成鋼條型李小龍。
■Eric每日保持健身4小時,希望在舞台上可以演變成鋼條型李小龍。 (3/6)
■兩人結婚一周年依然sweet到爆,陳美詩默默在背後支持老公,更成為孫耀威第2個腦。
■兩人結婚一周年依然sweet到爆,陳美詩默默在背後支持老公,更成為孫耀威第2個腦。 (4/6)
■孫耀威試過一口氣食7碗飯,不過目前正值減肥,只能食些少飯維持體能所需。
■孫耀威試過一口氣食7碗飯,不過目前正值減肥,只能食些少飯維持體能所需。 (5/6)
■11年,孫耀威曾為《繽紛揮發903演唱會》演出,當時副Body練到好靚。
■11年,孫耀威曾為《繽紛揮發903演唱會》演出,當時副Body練到好靚。 (6/6)

  苦等25年,45歲孫耀威(Eric)終於在11月16及17日假九展舉行處男香港演唱會《Hysteric Life In Concert 2018》。對於夢想成真,Eric未演出先興奮:「其實多年來呢個show嘅Rundown一直喺我腦入面,之前我無聊到喺電腦整咗個Power Point,好似人哋見工啲proposal咁,一吹雞就可以即時搵人埋位,所以再唔開show,內容愈嚟愈多就好似便秘冇得痾咁,會谷到爆!好彩轉公司後及時可以幫我解決『急事』。」Eric身心都舒服晒!

  最近孫耀威除了積極到維園練滾軸溜冰外,每日用4個鐘來健身操肌,晚上會去跑步,現在已瘦了近6KG兼有4塊腹肌。他一臉滿足道:「o依家成個人結實咗,有次我趴喺度睇書,老婆陳美詩(Macy)話我有乳溝,加上肌肉大大嚿,應硬得硬,佢忍唔住話我好sexy,身形有料到呀!我唔使做史太龍,做李小龍就夠。啲人問我操成咁係咪要騷肌?但其實我唔係咁膚淺嘅,肌肉愈結實係幫到我用丹田唱歌同跳舞啲step會靚啲。不過,如果觀眾反應熱烈,除晒都冇所謂,我底線係裸唱,因為個舞台係我嘅,你理得我會做乜呀。畀個貼士大家,我個人做乜都可以去得好盡,如第一次飲酒會飲到斷片;溜冰要踩到凌晨兩點;做功課可以做足三日兩夜;一次過食7碗飯…好多無可能嘅事都會發生喺我身上。」

  目前孫耀威正節食中:「我好中意食嘢㗎,戒食係會令自己有情緒病,但食咗又怕做錯事,不過都要大讚老婆,佢真係好體諒我,唔想引誘我食嘢,有次訛稱好飽唔使食晚餐,點知半夜發現佢偷偷哋出去廚房開餐。今次演唱會佢好似我第2個腦袋咁,大小事務都會幫手打點,有時我沖沖吓涼,或者如廁時有新靈感就會叫佢幫手mark低,佢好重要。」暫時他無意搵表演嘉賓,笑言咁難得有個主場,幾大都要霸實先。

採訪:方騫平、宋家旋 攝影:謝民光

化妝:江中平@江中平化妝室 髮型:Lobo@ hiar corner 場地:享福



其他文章
實力演員用心演出 入醫院梁靖琪拍到跣落山

    耗資近2億港元拍攝的警匪網劇《蝕日風暴》,由金牌電視製作人梁家樹領軍,集張智霖、王陽明...

hd