首頁 日報娛樂

開「成人」show 農夫唔敢勞煩Do姐子華神

12/10/2018
■農夫18歲「大個仔」,兩人笑言要喺演唱會上,好似阿倫咁伸手向觀眾收祝福利是。
■農夫18歲「大個仔」,兩人笑言要喺演唱會上,好似阿倫咁伸手向觀眾收祝福利是。 (1/6)
■初出道的農夫,陸永口中形容真係乞乞兒兒,難登大雅之堂。
■初出道的農夫,陸永口中形容真係乞乞兒兒,難登大雅之堂。 (2/6)
■陸永捱了18年,今時今日脫貧兼有美滿家庭,有能力照顧妻女。
■陸永捱了18年,今時今日脫貧兼有美滿家庭,有能力照顧妻女。 (3/6)
■去年子華神、Do姐為兩人開show拍片,所以今次兩人再唔敢勞煩兩位大恩人了。
■去年子華神、Do姐為兩人開show拍片,所以今次兩人再唔敢勞煩兩位大恩人了。 (4/6)
■相隔一年再開演唱會,兩人唔怕影響銷情,因為18年的音樂歷程,可分享的背後故事有好多。
■相隔一年再開演唱會,兩人唔怕影響銷情,因為18年的音樂歷程,可分享的背後故事有好多。 (5/6)
■ C君Post咗呢張同達明及子華神飯敍嘅相,惹來表演嘉賓聯想。
■ C君Post咗呢張同達明及子華神飯敍嘅相,惹來表演嘉賓聯想。 (6/6)

  組合農夫將於11月舉行6場《農夫十八歲生日快樂演唱會》,開騷前夕,成員C君就喺社交網上載一張跟子華神同張達明的合照,仲留言暗示相中人有可能做嘉賓,搞到一班網民超興奮。對於嘉賓是否子華神?農夫即否定:「完完全全唔係做嘉賓呀,只係嗰晚食飯post相引起誤會,我哋唔敢搵佢哋做嘉賓,上次搵子華拍演唱會片都畀佢講咗兩年呀。」 採訪:方騫平

髮型:Renton Hung@La Chioma 化妝:Manyee Lau 場地:帝盛酒店

  雖然係一場誤會,但C君和陸永就強調絕對有邀請子華、達明同埋Do姐嚟睇show,問到食飯當晚,兩位棟篤笑猛人可有過料醒吓他們?陸永大笑抵死說:「有!係6場8串3連贏位置Q。」

開Show唔係等錢使

  去年11月,農夫開了6場《等錢洗世界巡迴演唱會》,事隔一年再開6場show,不過,今次唔係因為等錢使而開,C君說:「之前做訪問時有記者提醒我哋,原來今年係我哋成軍18年,所以畀到靈感我哋有呢個搞作!」陸永就補充:「要搞清楚,今次完全唔係《等錢洗世界巡迴演唱會》part 2,係由頭度一個新嘅show。(唔怕兩個show相距太近咩?)唔怕,有人建議我哋開part 2演唱會,咁就唔使諗內容簡單好多,不過我哋又唔想咁做,反正係講18歲生日,有好切合主題嘅內容、故事喺背後,可以重拾過去嘅回憶,而且做埋今次之後要過好幾年先再做show,因為開一個show勞心勞力,諗到頭都爆。」

  重溫過去,陸永睇返舊相形容係不堪入目,C君仲鬼馬話:「肯定18年前鍾意我嘅朋友係有眼無珠嘅,呢個人咁嘅樣?嘩,人唔似人!唔只唔可以行上台,就算上月台都畀人推走,警察查身份證都為呢兩個人而設。」陸永加多句:「至今我哋keep住樣衰嘅,Do姐鬧我哋係乞兒,以前係乞乞兒兒咁,但最近鬧就係夾硬嚟喇!」

其他文章
袁和平用心設計武打動作 張晉笑稱 Tony Jaa嚟報仇

由「天下第一武指」八爺袁和平執導、張晉領銜主演的功夫電影《葉問外傳:張天志》,將於本周...

hd