首頁 日報娛樂

離婚兩年 出動80萬波子載猛男 失婚江美儀 擺紅陣催旺桃花

19/10/2018
■爆「瞞婚」幾日,美儀心情靚靚出席飯局,笑晒口打包埋美食走人。
■爆「瞞婚」幾日,美儀心情靚靚出席飯局,笑晒口打包埋美食走人。(1/9)
■同鮑姐(左)打對坐嘅美儀,不時與友人有講有笑。
■同鮑姐(左)打對坐嘅美儀,不時與友人有講有笑。(2/9)
■老闆吳啟明(圓圖)行埋方中信身後,講吓食經又吹水。
■老闆吳啟明(圓圖)行埋方中信身後,講吓食經又吹水。(3/9)
(4/9)
■紅車、紅框眼鏡、紅公仔,全方位擺陣催運。
■紅車、紅框眼鏡、紅公仔,全方位擺陣催運。(5/9)
■當年美儀和吳君祥拍拖無耐,就在西雅圖秘婚。
■當年美儀和吳君祥拍拖無耐,就在西雅圖秘婚。(6/9)
■冬叔口快快踢爆阿仔已婚,美儀初時唔認,最終結婚紀錄顯示,二人06年3月喺西雅圖註冊結婚。
■冬叔口快快踢爆阿仔已婚,美儀初時唔認,最終結婚紀錄顯示,二人06年3月喺西雅圖註冊結婚。(7/9)
■日前,美儀發表分手感言,指雖然不能夠跟吳君祥白頭到老,但路上會互相扶持。
■日前,美儀發表分手感言,指雖然不能夠跟吳君祥白頭到老,但路上會互相扶持。(8/9)
■美儀坦言雖然跟前夫吳君祥分開,但仍保持友好關係,亦跟同月同日生日的前老爺冬叔一家有聯絡。
■美儀坦言雖然跟前夫吳君祥分開,但仍保持友好關係,亦跟同月同日生日的前老爺冬叔一家有聯絡。(9/9)

        47歲超好戲嘅江美儀,月初接受本報獨家訪問時,自爆與拍拖11年嘅君如胞弟吳君祥因「步伐開始不一致,相信緣份已盡」分手兩年,其後前度父親冬叔(夏春秋)篤爆兩人早於06已年喺西雅圖註冊結婚,美儀嘅婚書亦隨即曝光。分手變離婚,失婚美儀表示現時單身但「都想有新戀情!」近日就被《東周刊》發現佢出動80萬波子接載監製陳維冠。日前晚上,美儀跟方中信兩公婆等一班好友往中環九如坊飯局,見佢全程笑笑口表現風騷,不論座駕、車上擺設及上衣都係紅色,似乎佈晒陣催旺姻緣囉!

        江美儀與吳君祥(Vincent)05年拍拖,兩人一直表現恩愛,但近年不時傳出男方「偷食」,加上Vincent轉戰內地發展,「夫婦」分隔兩地,感情難再維繫。早前,美儀向本報承認二人已分手兩年,強調無第三者,只是感情變淡。事情一觸即發,分手,瞞婚、真相原來是離婚。

  日前晚上8時,無為「分訊」影響心情嘅美儀現身中環飯局。當晚見美儀和好友鮑起靜方平夫婦、方中信兩公婆等,一行十幾人約埋去中環九如坊嘅新派粵菜店「慢煮兩餐」。早前本報都影過修哥(胡楓)、黃百鳴和林文龍等先後幫襯過呢間店,主理人係退出娛圈多年、吳啟華胞兄吳啟明。當晚一班圈中幕前幕後好友齊齊去撐場,老闆吳啟明間中有行埋長枱講吓食經。方中信飲白酒食得開懷,美儀亦心情唔錯,面帶笑容邊食邊傾。

  開心gathering兩小時,眾人步出分頭離開,美儀甫見記者即禮貌打招呼,見佢捧住兩個食物盒走人。記者上前採訪,問她心情好番未?她笑笑口回應:「無嘢嘞!真係OK呀!(有無怪冬叔?)無無無(不斷擰頭),bye bye。」隨即上車走人。見美儀戴上紅色框眼鏡,15年以80萬元購入、本身是白色的座駕,近年就改噴為鮮紅色,而車廂內的吊飾熊仔、擺設等皆是紅色,實行全方位擺陣催運,似乎想快啲搵到第二春呢!

採訪 : 李維隆、梁志明

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd