首頁 日報娛樂

同密友家具店訂沙發 49歲黃偉文勁好笑容

06/11/2018
■雖然已近關門時間,但Wyman同密友依然坐低慢慢睇catalog。
■雖然已近關門時間,但Wyman同密友依然坐低慢慢睇catalog。 (1/6)
■Wyman應該係熟客,喺家具店滿場飛,仲好好笑容。
■Wyman應該係熟客,喺家具店滿場飛,仲好好笑容。 (2/6)
■訂完家具,Wyman同Stephen就行去食飯。
■訂完家具,Wyman同Stephen就行去食飯。 (3/6)
■Wyman想影張街拍,Stephen醒目地拎機行埋一邊即影。
■Wyman想影張街拍,Stephen醒目地拎機行埋一邊即影。 (4/6)
■Wyman同密友一樣愛時裝,經常連體去Shopping。
■Wyman同密友一樣愛時裝,經常連體去Shopping。 (5/6)
■有Wyman就有容祖兒,後者生日飯聚,Wyman當然在場。
■有Wyman就有容祖兒,後者生日飯聚,Wyman當然在場。 (6/6)

  黃偉文經常周圍飛,今日巴黎,過幾日又身處日本,睇Show置裝好重要,所以一喺香港就會爭取時間去為屋企做啲嘢,例如買新傢具。日前晚上7點,Wyman同密友Stephen去利園訂家具,行吓再坐低睇catalog,全程溫馨互畀意見,快50歲嘅Wyman心情好好,不斷同店員笑住傾。採訪:梁志明

  上新聞搜尋網WiseSearch打黃偉文三個字,有關Wyman嘅新聞總會連埋容祖兒呀、時裝呀、巴黎時裝展呀等等,好多年如是,同佢相處十多年嘅醫生密友Stephen(吳偉民)嘅關係亦多年不變,證明Wyman份人相當長情。

同密友好有默契

  當晚,Wyman行至某名店門口突然影相癮大發,叫密友揸機影張街拍,Stephen習以為常,企埋一邊數1、2、3!搞掂。之後長情Wyman喺家具店睇咗一陣,主力睇沙發,同密友研究一輪就坐低睇catalog,睇到八點,舖頭關門時間已到,兩人仍然慢慢研究,店員無黑面繼續招呼兼掛了關門牌喺門口,八點半,兩人終於完成訂沙發離開。

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd