首頁 日報娛樂

讚好老公肌肉 鄭秀文明年暑假開騷

06/11/2018
■Sammi要求明年入場看她演唱會的觀眾,要先睇熟side track音樂會DVD,背熟歌詞先好入場。
■Sammi要求明年入場看她演唱會的觀眾,要先睇熟side track音樂會DVD,背熟歌詞先好入場。 (1/3)
■安仔練得一身正爆肌肉,忍唔住自拍放上網。
■安仔練得一身正爆肌肉,忍唔住自拍放上網。 (2/3)
■Sammi每日都會做運動瘋狂流汗,46歲要更努力Keep。
■Sammi每日都會做運動瘋狂流汗,46歲要更努力Keep。 (3/3)

  昨日,鄭秀文(Sammi)出席一慈善活動,對於陳奕迅(Eason)爆料指他明年的紅館暑假檔期被Sammi搶去,Sammi笑稱兩人均收錯風,她以為Eason想在聖誕節開騷,所以改為申請暑假,結果紅館批了7月檔期。她說:「我覺得陳奕迅應該開跨年騷,佢好似未開過,又或同謝霆鋒一齊開。」

  Sammi表示演唱會是全新主題,未知場次,但肯定不會開太多。Sammi最高紀錄開16場,問到會否突破個人紀錄?她說:「唔突破了,呢個年紀怎再求突破?我只關心演出做得好不好,自從『Show Mi』系列開始,我嘅場次是一直減少,做太多未必應付得好。」

  提到老公許志安同於明年下半年在紅館開騷,Sammi說:「佢好似8月定9月,我哋要一齊備戰,佢近來會自拍騷肌相,好少見,我見佢幾有成績,我哋呢啲中年人士要靠運動保持身體健康,我很鼓勵他運動。」問到可有摸安仔的腹肌?她笑言,「怎樣也會抽水一吓,佢比我更努力去建立肌肉,要每天舉鐵我都難,佢會自動波去做。」

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd