首頁 日報娛樂

孖小學同學曾華倩歎茶 52歲富婆朱慧珊長腿贏收視

07/11/2018
■朱慧珊(左)和53歲曾華倩嘅衣着打扮好唔同,前者闊太look;後者走cutie少女味。
■朱慧珊(左)和53歲曾華倩嘅衣着打扮好唔同,前者闊太look;後者走cutie少女味。 (1/6)

  52歲嘅朱慧珊,近日替亞視主持《香港追擊搜》風采依然,保鮮功力深厚。日前下午,嫁咗畀隱形富豪賈鈞鵬嘅珊姐,約咗小學同學兼閨密曾華倩去中環High tea。兩個老友做慣主持,滔滔不絕講唔停。齋睇樣,兩個美魔女不相伯仲,但一並肩行,華倩就輸晒,粗look小腿扣晒分,而珊姐披住件牛仔褸晒白滑長腿,闊太look成個「短髮版千頌伊」咁靚呀!採訪 ︰ 李維隆

  08年嫁個有錢人嘅朱慧珊,有指佢老公賈鈞鵬除有逾億香港物業,連同北京四合院及上海豪宅,身家起碼有5億喎!珊姐依家和半退休嘅丈夫住市值約8千萬嘅淺水灣豪宅,兩夫婦平日得閒會放狗散步。

  日前下午3時,保養得宜嘅珊姐約咗好姊妹華倩和一圈外阿太去中環置地廣場歎茶。三個女人一個墟,可況珊姐和華倩做慣主持,不停吹水,搞到圈外阿太無機會搭到嘴,唯有無癮先走,剩下兩位閨密繼續傾。兩女曾係小學同學、「至八會」成員,近年更做埋鄰居,特別投契。最後兩位美魔女吹多成個鐘,終於捨得走人,再行去附近名店shopping。見短髮珊姐披住件牛仔褸、短裙晒白滑長腿好吸睛;同樣短裙晒腿嘅華倩,打扮係後生,但小腿好有肉、肥嘟嘟,「蓮藕腳」扣晒分呢!

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd