首頁 日報娛樂

新碟向已故歌手致敬 黃凱芹呻租紅館開騷難

08/11/2018
■黃凱芹一直好想在港開騷,可惜未搵到場地。
■黃凱芹一直好想在港開騷,可惜未搵到場地。(1/6)

        黃凱芹早前推出全新靚聲大碟《十里春風》,今次主題是向一班已故歌手致敬,這次他除了翻唱他們作品,還專登寫了一首新歌《十里春風》,更將這些歌的歌名融入歌詞中,相當有心思。近年已移居加拿大的他,原來一直冇忘記香港粉絲,可惜申請租用紅館場地不容易,遲遲無法開騷答謝歌迷。

黃凱芹表示選擇翻唱已故歌手的歌曲,因想向一班以故歌手致敬,「其實我唔係個個都認識,有啲好似蔡齡齡係大學師妹,識咗好耐,但有啲根本係唔認識嘅,好似許冠英,但我好欣賞佢嘅音樂才華,所以揀咗佢嘅歌。」

  除了翻唱已故歌手的歌,黃凱芹還專登寫了一首新歌《十里春風》,還將這些歌的歌名融入新曲中,聽落好似有一定難度,但他卻說反而不算花太多時間,「比起平時寫歌唔算特別耐,但最困難有啲歌要攞版權先唱得,我寫嗰時仲未知某啲歌攞唔攞到,若然改唱其他歌曲《十里春風》呢首歌就配合唔到。」

  近年已在加拿大定居的黃凱芹,談到在當地生活,他坦言相當充實,「我喺嗰邊好忙㗎!我o依家主要工作就係畫動畫,呢個係我目前最大興趣,今次唱片封套都係我親自設計。」

望早日跟歌迷再聚

  問到他何時再返港開騷,他大呻申請了很久紅館也未能成功,「我都唔明白原因,希望盡快有好消息,可以同歌迷聚吓啦!」

採訪:杜淑霞

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd