首頁 日報娛樂

新劇博盡 冒染食肉菌浸臭水 李佳芯絕密狂野Look曝光

08/11/2018
狂野Ali
■Ali強調自己無乜身材,「輕露『事業線』只係踎低彎身角度問題。」大熱視后好謙啫。
狂野Ali ■Ali強調自己無乜身材,「輕露『事業線』只係踎低彎身角度問題。」大熱視后好謙啫。(1/7)
賣命落水 ■李佳芯冒染食肉菌風險拍落水戲,佢話教戲劇嘅男友陳炳銓冇心痛。
賣命落水 ■李佳芯冒染食肉菌風險拍落水戲,佢話教戲劇嘅男友陳炳銓冇心痛。(2/7)
假扮殺手
■假扮女殺手的Ali唔使好似龔嘉欣咁打打殺殺,最多攞住碌棍揮來揮去,動作簡單得多。
假扮殺手 ■假扮女殺手的Ali唔使好似龔嘉欣咁打打殺殺,最多攞住碌棍揮來揮去,動作簡單得多。(3/7)
真‧殺手 ■劇中龔嘉欣係真殺手,造型性感,同黎耀祥對打又好好睇,Ali都話唔敢直接同嘉欣對撼。
真‧殺手 ■劇中龔嘉欣係真殺手,造型性感,同黎耀祥對打又好好睇,Ali都話唔敢直接同嘉欣對撼。(4/7)
祈求寬恕
■祥仔劇中為自己十年前做過的錯事跪地求寬恕,現實中的他揚言一生平淡,從無少年輕狂。
祈求寬恕 ■祥仔劇中為自己十年前做過的錯事跪地求寬恕,現實中的他揚言一生平淡,從無少年輕狂。(5/7)
陳豪好型 ■爆肌殺手陳豪接咗order去台灣做嘢,呢位三子女老竇好鬼型。
陳豪好型 ■爆肌殺手陳豪接咗order去台灣做嘢,呢位三子女老竇好鬼型。(6/7)
高Ling露腰
■李佳芯和高海寧到台灣尋找江嘉敏下落。
高Ling露腰 ■李佳芯和高海寧到台灣尋找江嘉敏下落。 (7/7)

  TVB台慶前夕,憑《BB來了》成大熱視后的李佳芯(Ali)正拍攝陳維冠新劇《殺手》。日前劇組到台灣拍外景,Ali因為要拍一場假扮女殺手龔嘉欣的戲,由四眼爆炸頭師奶變身A貨狂野女殺手,戴上粉紅色假髮,黑色魚網包住全身,內襯紅色小背心,輕露「事業線」及23吋小蠻腰,再配上魚網絲襪,造型突破,狂野Ali同樣索到出煙。未算呀,打到手腳傷痕纍纍的Ali甚至要跳入滿佈蠔殼的碼頭浸臭海水3個鐘,「有個成日喺度游水嘅老伯感染食肉菌死咗,所以落水前後都好驚。」35歲嘅Ali為TVB賣命到咁,會唔會太博呢?

日前,《殺手》一眾演員李佳芯、陳豪、江美儀及黎耀祥等到台灣拍外景,雖然遇上地震,但冇阻拍攝進度。台灣戲份有Ali因為貪小便宜而幫殺手陳豪做嘢,首先要扮女殺手龔嘉欣嘅look出場,不過Ali唔使打到飛起亦唔使擘髀飛腿,「監製想我有啲睇頭着穿窿衫現身,可以揀到啱我嘅真係唔多,呢件經已係最密實一套,我個角色唔係行性感,性感留返畀高ling同嘉欣啦。」

想做打女

  Ali坦承劇中的龔嘉欣有身材又有身手的確好搶鏡,她直言不敢硬撼,唯有智取:「相比嘉欣,我爭好遠,因為佢係殺手,要打又要吊威也,自己簡單得多,所以我都要出招,用四眼師奶look,加埋癲得師奶性格去吸睛,對我嚟講今次係放射式演技,其實我都想試吓做打女,不過先要練返好體能。」

真搵命博

  Ali愈爆愈多,她透露:「之前有場戲講我畀人綁喺欣澳碼頭,海水既污糟又惡臭,每條柱位又佈滿蠔殼,就算工作人員先幫我剷走一啲都好易會刮損,最慘圍觀嘅村民同我講:『啱啱有個日日嚟游水嘅90歲伯伯感染咗食肉菌離世!』我又周身傷痕,落水前都好驚,好彩之後手部傷口瘉合得到咪當冇事囉,咁啱當日翻風轉涼水溫好低,呢鋪真係搵命搏。見黎耀祥同龔嘉欣打得咁辛苦,自己從冇諗過縮沙,而且用替身效果唔好睇,唔通用頭髮遮住塊面嚟交代咩!」

採訪:方騫平

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd