首頁 日報娛樂

首演兩公婆玩得開心 黃智賢王君馨分享夫妻之道

09/11/2018
■Ben和Grace雖然首次合作一對,但出奇地合拍。
■Ben和Grace雖然首次合作一對,但出奇地合拍。 (1/8)

  黃智賢(Ben)和王君馨(Grace)擔正劇集《是咁的,法官閣下》,被外界讚劇情夠貼地唔似一般法庭劇,首度合演一對的他們仲一開始就是分居夫妻關係,設定夠晒有趣。已婚的他們又互讚跟對方合作開心又放心,有親密戲份另一半都不用擔心;兩人更大談同自己另一半相處之道,分享甜到漏秘訣。 撰文:杜淑霞 攝影:李維隆

服裝:PRET-A-DRESS.COM(La Madison

alulah Genre dress)(王君馨) 場地:Townhouse

  談到戲內個案貼地被讚,戲中演大律師「范小宇」的Ben認為觀眾容易有共鳴,「今次係以輕鬆手法,拍非一般法庭戲,以往大家可能只係睇到律師行業風光一面,但今次大家會睇到佢哋其實都要捱世界,租個office都好艱難。」

婚姻保鮮靠信任

  由於劇情講Ben和Grace甫亮相已分居,甜密戲份已是回憶,不過仍有不少激情場面,Ben笑言:「基本上係佢做主動,佢逼到我埋牆嘴㗎!」Grace即反駁,「佢嗰時唔知幾鍾意我咁做呀!不過後尾突然話要同我離婚囉!」入晒戲的Ben和Grace打情罵俏好不甜蜜,幸好他們跟另一半出名溫馨,唔驚俾人誤會。問到兩人有咩夫妻保鮮秘訣,跟圈外太太結婚14年的Ben話一定要畀到對方信心,「我從來唔會同女性朋友單獨約會,以免大家有咩誤會。」至於Grace雖然跟老公Daniel結婚只有兩年,但遠距離拍拖11年,能夠維繫全靠個信字,「我哋拍拖講好咗,如果有第二個一定要講,唔可以一腳踏兩船,同埋我都會講清楚畀老公知身邊男性朋友關係,如果發現異性有追求之意就會疏遠。」

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd