首頁 日報娛樂

前輩遊東京前攞料 周奕瑋推介行程獲Do姐讚

09/11/2018
■節目出街前,周奕瑋壓力大到瞓得唔好,對於跟杜如風的《昇龍道攻略》對撼,他相信會互相帶動收視。
■節目出街前,周奕瑋壓力大到瞓得唔好,對於跟杜如風的《昇龍道攻略》對撼,他相信會互相帶動收視。 (1/6)
■周奕瑋在當地過35歲生日,順道拍埋生日在東京食住玩有乜着數,結果全日夾埋慳到五位數字円。
■周奕瑋在當地過35歲生日,順道拍埋生日在東京食住玩有乜着數,結果全日夾埋慳到五位數字円。 (2/6)
■Do姐食完個龍蝦麵都做埋食店粉絲,喺社交網推介。
■Do姐食完個龍蝦麵都做埋食店粉絲,喺社交網推介。 (3/6)
■呢個2500円的足料叉燒原隻龍蝦麵食到Do姐讚不絕口。
■呢個2500円的足料叉燒原隻龍蝦麵食到Do姐讚不絕口。 (4/6)
■參觀BB相撲,兩個BB鬥快喊,傳統習俗祈求BB健康成長。
■參觀BB相撲,兩個BB鬥快喊,傳統習俗祈求BB健康成長。 (5/6)
■今輯搶衫對手太瘋狂,搞到周奕瑋鞋都甩埋,只搶到衫鞋襪和CD,其中有兩條係孖煙囪。
■今輯搶衫對手太瘋狂,搞到周奕瑋鞋都甩埋,只搶到衫鞋襪和CD,其中有兩條係孖煙囪。 (6/6)

  流利日語的周奕瑋(Jarvis)年初推出個人旅遊節目《周遊東京》大受歡迎,令佢人氣勁升。TVB乘勢添食,今周播出新一輯《周遊東京2》,連前輩鄭裕玲(Do姐)日前赴東京暢遊前都問佢攞料,Do姐又食又玩開心畀Like,令佢喜出望外,Jarvis興奮說:「Do姐出名有要求,係品質指標,連佢都認同我嘅安排,絕對為節目打咗支強心針。」 採訪:方騫平

  全新一輯《周遊2》內容不會走「回頭路」,只有首集徇眾要求,用500円激搶網店衫5分鐘,向上次「100秒搶衫放題」致敬。Jarvis說:「今次有20個全新主題,並想做到不論夏天、冬天都搵到嘢玩。所以我哋會推介夏天遊東京日本人消暑方法、香港人過生日玩樂消遣嘅着數,仲會請來當地嘅朋友帶隊貼地旅遊等。」

  Do姐啱啱去完東京旅行,出發前先問他取經,Jarvis說:「當時節目未出街,但Do姐嘛,好難得佢有假放,我梗係畀啲未曝光嘅嘢佢玩吓先啦,不過我個人好負責任,plan行程前會了解清楚對方對食住玩嘅要求,Do姐冇要求全部高檔,佢只係想要購物以外嘅消閒嘢,所以我推介咗幾個項目畀佢,哈!相信總有一樣會啱佢,最後Do姐尤對2500円嘅叉燒原隻龍蝦麵讚不絕口,又好like我安排嘅互動型美術館,仲喺電台節目度分享行程,(有冇鳴謝你?)有提及我……不過,我見佢食得咁開心,開心過節目成功,好似幫到人做好事咁。」另外,月前Jarvis喺化妝間見到相識十年嘅黃翠如:「佢叫我加油努力,有女神加持係高興嘅。」

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd