首頁 日報娛樂

一家三口遊福岡 關心妍幫女兒成功戒奶嘴

09/11/2018
■關心妍與老公帶女兒去「麵包超人」主題樂園玩。
■關心妍與老公帶女兒去「麵包超人」主題樂園玩。 (1/7)

  早前關心妍(Jade)與老公楊長智帶兩歲多的女兒榮心到日本福岡旅行,她稱當地有動物園及主題樂園,好啱小朋友玩。Jade還吃了她最愛的牛奶雪糕,又與老公趁女兒睡覺去fine dining餐廳撐枱腳。但她最開心是女兒去完旅行戒了食奶嘴的習慣,她稱是今次旅程的最大收穫。 撰文:李佩儀

  Jade是福岡的fans,她時常都會去。第一次與女兒一齊去,Jade花盡心思搵適合女兒玩樂的好地方。首選一定是動物園,Jade笑言:「今次睇咗老虎、企鵝同長頸鹿等,心心有啲驚但又好興奮,佢最鍾意睇長頸鹿,之後去埋隔籬嘅植物公園,話畀佢知佢最鍾意食嘅番茄係點種出嚟。」而「麵包超人」主題樂園都好啱小朋友玩,Jade解釋:「裏面有滑梯同波波池,仲可以整麵包超人樣嘅麵包同壽司,入場費都係百幾蚊港幣。」她笑言女兒原本唔認識麵包超人,返到香港都愛上。

  由於今次主要陪女兒去玩,兩公婆通常要等她睡了覺才外出行街和食飯。今次Jade品嚐了去當地必吃的牛奶雪糕,她坦言:「間雪糕店係用伊都物語嘅乳酪去做雪糕,唔羶、唔太甜、味道又濃。」他們又去fine dining餐廳Kubotsu Fukuoka幫襯,她大讚:「環境好,食物細緻,份量又適中,好值得推介。」而這旅程最難忘是女兒一向有食奶嘴的習慣,回港後她騙女兒奶嘴漏低了在日本的酒店,並跟她說已長大不用再食奶嘴,女兒好聽話,成功戒掉了。問她會追多個嗎?她表示待「關心妍慈善基金」營運上了軌道再考慮。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd