首頁 日報娛樂

首獲提名金馬獎 袁富華感激身邊人支持

09/11/2018
■Ben哥笑言冇諗過提名後要否加片酬,但認為會有更多觀眾認識他。
■Ben哥笑言冇諗過提名後要否加片酬,但認為會有更多觀眾認識他。 (1/6)

  54歲的袁富華(Ben)入行20多年,最近終憑電影《翠絲》中「打鈴哥」獲提名「金馬獎-最佳男配角」。談到收到獲提名消息一刻,正跟拍拖多年圈外女友在街上的Ben哥,因忙錄得獎感受未識得反應,慢慢消化消息,加上收到好多朋友傳來祝福先識開心,他邊講邊喊話:「最開心係發覺自己好多人錫。」 採訪:杜淑霞 髮型及化妝:黃德燕@SandyImage

  在《翠絲》之前,Ben哥令觀眾最深刻的角色,肯定是99年《喜劇之王》的黑社會大佬,當中一句「你唔係外賣仔!」對白,到現在他仍不時被問起,「雖然我個樣變咗好多,但喺街一開聲啲人就認得,我喺演藝教學生都不時被問起,作為演員有個角色大家咁深刻係好開心嘅。」

  談到「打鈴哥」一角,原來Ben哥最初曾打算推演,「我以往喺舞台劇都演過同性戀或者呢類誇性別角色,對於揣摩『打鈴哥 』男人身女人心嘅內心世界,都有信心演繹到,反而係戲裏面有唔少粵劇部份,自己唔識做粵劇,真係冇信心演得到,幸好導演搵咗代唱,我先至放心演出。」

  除了電影,11年在演藝導演系碩士畢業的Ben哥,主力參與舞台劇製作,以及電視演出,所以對於今次金馬獎得獎與否,對他影響不大,「自己當年係鍾意演戲入行,能夠有提名已經好似得咗獎咁,得奬與否我將來都會繼續演戲。」他又喊住話:「最想多謝《翠絲》嘅台前幕後工作人員,同埋屋企人、女朋友同一班好朋友支持,提名後收到好多祝福,最開心係發覺自己好多人錫,好感恩!」當日就有好朋友黃美芬義務配他做訪問。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd