首頁 日報娛樂

演《生生》參透生死 鮑起靜:撒骨灰入海撐環保

09/11/2018
■入行50年,鮑姐笑言自己會永不言休,望自己能夠健健康康可以演繹有挑戰的角色。
■入行50年,鮑姐笑言自己會永不言休,望自己能夠健健康康可以演繹有挑戰的角色。 (1/6)
■9年前,鮑姐憑電影《天水圍的日與夜》成金像影后。
■9年前,鮑姐憑電影《天水圍的日與夜》成金像影后。 (2/6)
■鮑姐在片尾聽到「女兒」嚴藝文說「我愛妳」,令她好感動。現實生活中,佢每日跟倫敦定居的女兒方之樺視訊對話。
■鮑姐在片尾聽到「女兒」嚴藝文說「我愛妳」,令她好感動。現實生活中,佢每日跟倫敦定居的女兒方之樺視訊對話。 (3/6)
■片中,鮑姐與小男生吳至璿成為忘年之交。
■片中,鮑姐與小男生吳至璿成為忘年之交。 (4/6)
■電影《生生》中鮑姐要挑戰自己,除講帶港式口音的國語外,仲要打桌球。
■電影《生生》中鮑姐要挑戰自己,除講帶港式口音的國語外,仲要打桌球。 (5/6)
■鮑姐和老公方平現每周跟發哥跑步,開始養生。
■鮑姐和老公方平現每周跟發哥跑步,開始養生。 (6/6)

  金像影后鮑起靜參演台灣電影《生生》,飾演癌症末期只剩下100日活命的網紅奶奶,期間遇上年僅10歲小男孩成為忘年之交,兩人交織一段笑中帶淚的感人故事。69歲的鮑姐坦言年紀愈大,對生死愈有感受,她坦承和老公方平已諗定身後事,並已告之女兒方之樺,她說:「要支持環保,所以唔使買長生位,火化後將骨灰撒入大海,一切從簡!」 採訪:方騫平 場地:Luxe Manor@Dada Bar+Lounge

  拍完《生生》,啟發到鮑起靜要認識及面對死亡,她認真說:「後生係唔會驚死,但到咁上下年紀,隨住身邊開始有朋友離開就變得避忌,拍咗呢部戲發覺係要有準備喇。現時我反而冇咁忌諱(死亡),不過要注意健康,想喺死亡前生活質素好啲,唔好成為屋企人嘅負累,盡量多啲時間照顧自己。」鮑姐仲自爆開始著手處理自己的收藏品,除金像獎及陳年相片外,她學習斷捨離咩都唔要,包括女兒的珍藏品,她已交還女兒自己保管了。

  她透露除定期做身體驗查,3個月前開始自組「小班低級組」跟發哥(周潤發)跑步:「我哋7至8個成員,圈中人有張達明、謝賢(四哥)等,每星期周二、四、六早上6點半開始慢跑廿分鐘,然後行半個鐘頭,如果發哥做宣傳唔得閒,我同達明會繼續號召出發。我幾十年冇運動,原來運動會令你好開心,好有正能量!我哋運動完結伴去食嘢,最後搞到個個都肥咗,發哥邊跑邊鼓勵話:『為咗我哋嘅早餐,要好努力跑呀!』四哥仲好玩,邊跑邊話:『點呀?到未?完未?』畢竟都80幾歲老人家,佢真係好叻。好開心可以結交到一班志同道合朋友,好開心。」

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd