首頁 日報娛樂

入行十周年圓歌手夢 陳國峰出錢麥花臣開處男騷

09/11/2018
■自資開騷嘅陳國峰,日前跟《兄弟幫》監製Kent往麥花臣落訂。
■自資開騷嘅陳國峰,日前跟《兄弟幫》監製Kent往麥花臣落訂。 (1/6)

  35歲「巨聲2幫」隊長陳國峰(Penny),近年替《兄弟幫》做主持和拍劇,上周更飛到澳洲拍新劇《解決師》。成功轉型後,Penny卻希望趁下年入行十周年嘅大日子回歸初心,重拾歌手夢。日前,本報喺旺角發現Penny,見佢去提款又喺茶記苦惱開會,原來當日佢秘密往旺角落訂,不惜自資圓歌手夢,並計劃下年4月6日假麥花臣場館開處男音樂會,仲希望搵班「兄弟幫」上台撐場O添! 採訪 : 張詠森、林書鉉

  Penny兩年前與拍拖8年嘅圈外女友黃思雅在九龍塘私人會所註冊結婚,老婆翌年誕下B仔梓燐,B仔腳頭好好,帶旺父親劇接劇,繼早前拍完《兄弟》、《殺手》後,近日亦忙拍新劇《解決師》。

搵坤哥做嘉賓

  日前下午,本報喺旺角一間茶餐廳見到Penny跟《兄弟幫》監製Kent(謝英偉)歎啡密斟。Penny一直滔滔不絕,好友則用筆抄notes。傾足成個鐘,二人離開搵銀行,Penny拎完錢後孖好友行到麥花臣場館。逗留半小時,Penny面帶笑容步出。其後致電Penny,佢開心自爆已在麥花臣落訂,下年4月6日舉行處男音樂會,他興奮說︰「入行9年,下年踏入十周年嘞,希望喺演藝路上一個重要日子、第一個十年,在音樂路上嚟一個新開始,成為一個出色歌手。

  音樂會已搵咗坤哥(吳業坤)和謝東閔做嘉賓,另外亦邀請緊《兄弟幫》嘅好兄弟阿Bob(林盛斌)、梁烈唯、王梓軒和范振鋒,不過佢哋幾個都係大忙人未必嚟到,但人生中佢哋一齊陪我行咗咁多年演藝路,好想成班兄弟台上重逢。」

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd