首頁 日報娛樂

訓練老公做「絕世好爸」 吳雨霏瘦身成功護B出巡

09/11/2018
■回復產前身材嘅Kary,第一次帶愛子出街被野生捕獲。人妻精神奕奕,微笑向記者打招呼。
■回復產前身材嘅Kary,第一次帶愛子出街被野生捕獲。人妻精神奕奕,微笑向記者打招呼。(1/8)
■湊仔又返工,Brian面帶倦容。
■湊仔又返工,Brian面帶倦容。(2/8)
■Kary睇實熟睡嘅BB,丈夫Brian負責揀嘢。
■Kary睇實熟睡嘅BB,丈夫Brian負責揀嘢。(3/8)
■Brian怕記者走近嘈醒愛子,馬上行前護妻兒。
■Brian怕記者走近嘈醒愛子,馬上行前護妻兒。(4/8)
■產後首度出席活動嘅Kary身材好fit,笑言餵母乳是最有效嘅收身法。
■產後首度出席活動嘅Kary身材好fit,笑言餵母乳是最有效嘅收身法。(5/8)
■日前,幸福媽媽「復出」活動前仍親自替B仔換片。
■日前,幸福媽媽「復出」活動前仍親自替B仔換片。(6/8)
■7月19日是Asher滿月嘅日子,Kary喺社交網上載搭着愛犬,一臉幸福地望着老公Brian抱住囝囝嘅溫馨家庭照。
■7月19日是Asher滿月嘅日子,Kary喺社交網上載搭着愛犬,一臉幸福地望着老公Brian抱住囝囝嘅溫馨家庭照。(7/8)
■早前,Kary被問到母愛嘅定義時,甜絲絲回應指每日提早兩個鐘起床餵奶,但仍享受做媽媽嘅感覺,有網民笑佢係百分百「戀子狂」。
■早前,Kary被問到母愛嘅定義時,甜絲絲回應指每日提早兩個鐘起床餵奶,但仍享受做媽媽嘅感覺,有網民笑佢係百分百「戀子狂」。(8/8)

        32歲人妻吳雨霏(Kary)自6月誕下愛兒Asher後,閉關全職湊B,直至上月中,潮媽才產後出關,首度現身活動,並直言分開10分鐘已好掛住BB。日前下午,Kary帶就快5個月大嘅兒子和丈夫洪立熙(Brian)行中環。亦係自洪太誕B後,一家三口首次被野生捕獲。見人母薄施脂粉、身形勁Fit推住BB車陪夫購買嬰兒產品。離開時,兩夫婦發現有記者,Brian行頭掩護妻兒,人妻不時甜笑望熟睡中嘅愛兒,一副有仔萬事足嘅幸福樣呀!

        做咗新手媽媽幾個月嘅Kary,閉關3個月全職湊B,好彩有廿四孝老公Brian幫手同囝囝沖涼、換片等。Brian照顧初生愛子嘅同時,亦對愛妻照顧有加,令Kary非常感動。上月中,幸福媽媽「復出」活動,餵母乳嘅Kary已成功減磅,透露仲差3、4磅就追回最Fit時期,笑言最有效收身法係餵人奶,亦對BB最健康。

買波點孭帶

  日前下午1時許,Kary激罕帶B仔出街。當日束上髮髻嘅新手靚媽一身便裝現身,牛仔褲下全無贅肉。而小baby一直在BB車內熟睡,車外以薄紗巾遮蓋,自製寧靜環境讓愛兒休息。蓄鬚嘅Brian西裝骨骨,似係趁lunch time快閃陪妻兒。兩夫婦去咗太子大廈一間嬰兒產品店shopping,其間二人好合拍,人妻負責睇實BB,Brian就去揀孭帶,揀完款式再問老婆意見,最後快手買咗盒約$1,500元嘅深藍色波點孭帶便走人。甫出店,兩夫婦見到記者有點愕然,但Kary仍禮貌揮揮手與相熟記者微笑say hi。記者問Kary湊仔生活如何?人妻話趕時間,仍回應兩句:「好好呀!佢(兒子)好乖!」語畢做「跟得夫人」隨丈夫搭(車立)離開。

採訪 : 張詠森

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd