首頁 日報娛樂

暫停拍劇享受人生 關菊英「登六」勤運動養生

13/11/2018
■勤運動保凍齡嘅菊姐,揀咗幾條運動褲試。
■勤運動保凍齡嘅菊姐,揀咗幾條運動褲試。 (1/7)

  今年中「登六」嘅關菊英,自半年前同《溏心風暴3》原班人馬夏雨、李司棋、米雪等演出舞台劇《秘密》後,就暫停拍劇享受人生。平日唱吓歌、做Gym等,外貌keep得好好。日前下午,菊姐和多年同性密友周偉利(Willy)去中環ifc shopping。二人喺運動舖揀衫,見菊姐試衫時,密友在試身室耐心等候,之後主動畀錢、拎嘢,照顧周到,唔怪得菊姐對呢位「守候天使」有讚無彈啦!        採訪 : 張詠森

  失婚嘅菊姐與已故公仔麵大王周文軒侄女Willy行埋十幾年,近年更開腔談感情生活:「最緊要返到屋企有個伴,開心、唔開心都跟對方分享.....像親人般愛惜你。」難得搵到soulmate,菊姐近年揀嘢拍,唔拍劇時上堂學唱歌、做gym、學跳拉丁舞等,生活充實。

  日前下午5時,養尊處優多月嘅菊姐和Willy現身ifc。二人例牌以情侶裝現身,淺色top配黑色褲,入咗間運動衫舖揀衫。兩人分頭睇嘢,Willy睇運動衫;菊姐就專心揀運動褲。揀揀吓,Willy行返伴侶身邊,溫柔提點菊姐繫上絲巾,小心着涼!見菊姐揀咗堆灰色、黑色運動褲入試身室,Willy亦同時喺試身室門口耐心守候,最後見佢哋買咗幾件運動衫走人。之後,兩人去咗連鎖店睇電腦,Willy不時向店員查問,逗留十分鐘都無收穫,就雙雙行往四季酒店,等司機接載。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd