首頁 日報娛樂

團員隨時畢業單飛 仿效AKB48 MIRROR未來將有囡囡加入

15/11/2018
19至30歲
■(後左一)29歲Alton(王智德)、副隊長26歲Anson Kong(江熚生)、19歲姜濤(Show)、25歲Jer(柳應廷)、25歲Ian(陳卓賢)、23歲Jeremy(李駿傑)及隊長29歲Lokman(楊樂文)。(前左一)28歲Stanley(邱士縉)、副副隊長23歲Anson Lo(盧瀚霆)、21歲Edan(呂爵安)及19歲Tiger(邱傲然),當日30歲Frankie(陳瑞輝)有工作未能出席訪問,而Tiger亦有事忙於拍攝後極速飄走未有受訪。
19至30歲 ■(後左一)29歲Alton(王智德)、副隊長26歲Anson Kong(江熚生)、19歲姜濤(Show)、25歲Jer(柳應廷)、25歲Ian(陳卓賢)、23歲Jeremy(李駿傑)及隊長29歲Lokman(楊樂文)。(前左一)28歲Stanley(邱士縉)、副副隊長23歲Anson Lo(盧瀚霆)、21歲Edan(呂爵安)及19歲Tiger(邱傲然),當日30歲Frankie(陳瑞輝)有工作未能出席訪問,而Tiger亦有事忙於拍攝後極速飄走未有受訪。 (1/10)
可以拍拖 ■問到會否禁拍拖,Lokman表示「花姐話唔好成日晒出嚟就可以。」而姜濤就話,「我拍拖就會退休。」全場靜咗幾秒。
可以拍拖 ■問到會否禁拍拖,Lokman表示「花姐話唔好成日晒出嚟就可以。」而姜濤就話,「我拍拖就會退休。」全場靜咗幾秒。(2/10)
■昨日,MIRROR舉行演唱會記招,Lokman呼籲歌迷買企位有着數,因為可近距離接觸佢哋。
■昨日,MIRROR舉行演唱會記招,Lokman呼籲歌迷買企位有着數,因為可近距離接觸佢哋。(3/10)
Frankie伴舞 ■因為Frankie(右一)要去內地為陳小春演唱會伴舞而未有出席訪問。」
Frankie伴舞 ■因為Frankie(右一)要去內地為陳小春演唱會伴舞而未有出席訪問。」(4/10)
有愛教主
■仲教緊跳舞嘅AL話,「唔想有少少實現到夢想就放棄佢哋。」花姐就面有難色,「同Fans太近唔係太好。」
有愛教主 ■仲教緊跳舞嘅AL話,「唔想有少少實現到夢想就放棄佢哋。」花姐就面有難色,「同Fans太近唔係太好。」(5/10)
香艷窄褲 ■MIRROR出Show嘅褲感覺偏窄,繃緊Feel相當性感,Lokman忍唔住自爆決賽當晚穿銀色褲曾經出事,「綵排時,條褲可以爆嘅地方都爆晒,好涼浸浸。」
香艷窄褲 ■MIRROR出Show嘅褲感覺偏窄,繃緊Feel相當性感,Lokman忍唔住自爆決賽當晚穿銀色褲曾經出事,「綵排時,條褲可以爆嘅地方都爆晒,好涼浸浸。」(6/10)
■Ian之前受訪時提到唔想做唱跳組合,對於有違自己意願,佢答得大體,「唱跳依舊唔係最鍾意,但有兄弟陪住行,感覺無咁艱辛。」而姜濤因為之前一日急性胃炎入院,當日只能飲寶礦力,全程無晒電。
■Ian之前受訪時提到唔想做唱跳組合,對於有違自己意願,佢答得大體,「唱跳依舊唔係最鍾意,但有兄弟陪住行,感覺無咁艱辛。」而姜濤因為之前一日急性胃炎入院,當日只能飲寶礦力,全程無晒電。(7/10)
場面墟冚 ■本周日,Lokman、AK、Ian及姜濤到銅鑼灣出席美容護膚品牌活動搵錢,吸引過百粉絲圍觀。
場面墟冚 ■本周日,Lokman、AK、Ian及姜濤到銅鑼灣出席美容護膚品牌活動搵錢,吸引過百粉絲圍觀。(8/10)
做經理人
■花姐本來想放長假遊北半球,「金生叫我做經理人,我同老公講放唔低佢哋,叫佢畀我試吓啦!」
做經理人 ■花姐本來想放長假遊北半球,「金生叫我做經理人,我同老公講放唔低佢哋,叫佢畀我試吓啦!」(9/10)
阿Jer好喪 ■叫全場零發言的阿Jer(右一)講兩句,佢唔覺意話Lokman唱歌屎,全場再度爆笑,Ian同AL仲笑到差啲濁親。
阿Jer好喪 ■叫全場零發言的阿Jer(右一)講兩句,佢唔覺意話Lokman唱歌屎,全場再度爆笑,Ian同AL仲笑到差啲濁親。(10/10)

  ViuTV選秀節目《全民造星》上月曲終人散,由於囝囝們人氣太勁,ViuTV食住個勢組12人男團MIRROR。11月3日出道,12月21日就會於九展舉行首個售票騷,門票於今日公開發售。身兼《造星》監製及MIRROR經理人的花姐(黃慧君)親證,「團員成績好,會有畢業單飛嘅可能。」而佢亦強調,「MIRROR會仿效日本組合AKB48模式,Keep住每年舉行《造星》發掘新人加入MIRROR,而且未必一定係男仔。」意味未來將有囡囡加入,想同MIRROR做隊友,唔使我教啦。

花姐指最初只打算搞偶像夢想真人騷,去到50強發覺好多囝囝有潛質就同公司提議組男團,「好多idea都係嚟自我個仔,佢10幾歲,屬會追偶像年紀,但佢電話裏面有國語歌又有K-Pop,係冇廣東歌。我以前喺四大天王年代做PA(助理編導),當年佢哋上《勁歌金曲》群情汹湧,但係依家冇晒呢啲嘢。」

姜濤Ian未單飛之謎

  花姐話12個男仔單係食飯都食到窮,多得兩個傻傻哋嘅老細即ViuTV董事兼總經理魯庭暉同製作部副總裁金廣誠,講明賺錢之餘仲想為呢行做番啲嘢,有公司支持,花姐決定將MIRROR大搞,「下年會再搞《造星》,但未必係男仔,因為我都希望MIRROR唔係一個組合咁簡單,係一個樂壇嘅歷史,好似AKB咁,訓練一班有夢想嘅人加入,舊有成員會個別發展,咁樣可以幫多啲人入行,將呢個精神傳落去。」好多人疑惑點解唱得又多Fans的姜濤及Ian不作個人發展?「以佢哋依家嘅實力,究竟可以行得幾遠?MIRROR有咁多資源,同埋咁多兄弟支持,儲多啲經驗同彈藥,將來會有實力行遠啲,實際過依家趁有個勢就行出去。」

隊員有底薪唔使愁

  對於被指得一首新歌《一秒間》加一首《前傳》就開Show,AK坦承,「無乜歌係事實,所以嚟緊會出第二首歌,節拍上比《一秒間》更強烈,跳得更勁。」問到會否有自己創作歌曲? Ian表示正埋頭創作中,但由於大家要求都好高,所以未有住。好多Fans擔心偶像一份人工12個人分唔夠使,「鏡仔」首領Lokman認為新人無得計,「好多巨星都經歷呢個階段。」AK則透露佢哋有底薪,暗示唔會餓親。

Ian幫口Edan唔領情

  MIRROR有罰錢制度,如講粗口及「印腳」,最新有遲到,眾人齊望住Edan,Ian替兄弟解圍,「唔會真罰錢,一個阻嚇,講吓笑啫。」花姐即更正,「邊個話講笑?」明明應該出少句聲嘅Edan竟然扮花姐講嘢,Ian一臉吹脹,「你唔好出聲,我幫緊你㗎!」(全場爆笑)面懵Edan即道歉。問到組員負責工作,眾人皆指Jeremy是家務大臣,會默默地執垃圾同洗嘢,Alton補充,「喺美國猜輸要洗碗,我執好嘢入去,佢已經洗緊。」問到是否難忍唔乾淨?Jeremy笑言又未至於,「雖然我係處女座。」身旁的Edan及因於比賽時提到自己星座而被網民笑的Stanley即叫佢唔好亂講嘢。

採訪:廖思慧、杜淑霞

攝影:李權威

髮型:Stone @ PRIVATE I

化妝:Annie G Chan Makeup Centre

服裝:Lee Jeans Hong Kong

場地:Joyland 聚友坊

其他文章
周秀娜識Boxing大派用場 林峯首演反派壓力大

「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼...

hd