首頁 日報娛樂

相隔22年再返TVB 張衛健直認為還債

30/11/2018
■健仔坦承今次之後,唔知幾時再拍TVB劇。
■健仔坦承今次之後,唔知幾時再拍TVB劇。 (1/6)

  張衛健相隔22年再為TVB拍新劇《大帥哥》將於下周播出,健仔直認多年後再返娘家只因是為了還債,不過欠的並非TVB,反而是多年來一直默默支持他的香港觀眾。對於該劇未能成為三套台慶劇之一,健仔完全唔介意,反而藉着這事看清觀眾心,聽到一句「還我《大帥哥》」最爽。 

撰文:杜淑霞 攝影:李維隆 場地:九龍東皇冠假日酒店

  健仔96年拍罷《西遊記》離開TVB,雖然之後仍有他演出劇集在TVB播,但全是外購劇,並非TVB製作。多年無返娘家,今次真正能打動健仔並非誠意和錢銀等等因素,「當日大家以為我會拍《西遊記》續集,點知我走咗,原來自己一直喺心入面記掛住呢件事,我欠香港觀眾一套劇,到曾姐(曾勵珍)再搵我,我先醒起!」

開心演員信任

  重返娘家,健仔話冇乜唔習慣,雖然個個對手都未合作過,「識得曹永廉,都冇正式合作過,但最開心佢哋信任我,佢哋會叫我幫手度對白。大佬呀!其實我自己嗰啲都未搞掂㗎!但係佢哋信我咪齊齊度囉!」講到度橋,健仔今次由劇集主題到劇名都有份創作,「劇本都係由編劇寫番,我度通啲細位,配合番個現場情況,不過金句一定有,曹永廉仲話使唔使漁翁撒網落咁多呀?我試過喺出面拍劇,畀電視續個時段同我計收視,我唔會放過每個機會,或者呢次觀眾咁啱攞起咗個電話睇唔到,密啲下次睇番囉!」對於台慶劇一事,健仔話:「一定唔關蔡思貝事,應該係遷就內地同步播檔期關係,不過咁都好,唔係都聽唔到觀眾話『還我《大帥哥》』,證明佢哋真係期待。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd