首頁 日報娛樂

「雄姐」殉職帶旺人氣 張彥博12.9 開處男個唱

01/12/2018
■阿博形容13年的馬拉松長跑中,跑到今時今日有個屬於自己的靚舞台,開心又刺激。
■阿博形容13年的馬拉松長跑中,跑到今時今日有個屬於自己的靚舞台,開心又刺激。(1/5)
■憑《跳躍》「雄姐」人氣急升,帶給阿博事業另一個高峰。
■憑《跳躍》「雄姐」人氣急升,帶給阿博事業另一個高峰。(2/5)
■阿博希望《跳躍》在台慶頒獎禮,能奪得「最佳劇集獎」,皆大歡喜。
■阿博希望《跳躍》在台慶頒獎禮,能奪得「最佳劇集獎」,皆大歡喜。(3/5)
■兩年前,阿博在《一屋老友記》彈起兼有得玩埋音樂,開心到癲。
■兩年前,阿博在《一屋老友記》彈起兼有得玩埋音樂,開心到癲。(4/5)
■張彥博拍個唱宣傳片扮女人,獲讚嬌俏可人,似韓星智孝。
■張彥博拍個唱宣傳片扮女人,獲讚嬌俏可人,似韓星智孝。(5/5)

  38歲張彥博繼年前《一屋老友記》中細寶一角入屋,日前再憑收視佳嘅《跳躍生命線》中救護員「雄姐」一角爆紅,除殺入台慶頒獎禮角逐「最佳男配角」,更食住人氣在本月9日假九展舉行處男騷《Good Day.張彥博演唱會2018》。入行13年,經歷多次高山低谷,阿博勢估唔到「雄姐」殉職兩周後,驚喜收call,他說:「可能觀眾認為今個show係雄姐延續版,但真正嚟講,係延續我嘅音樂夢。如果係爆,下次推向紅館見!」 採訪:方騫平

  因為臨時有場,麥長青等投資者睇準張彥博成為「今期流行」,即打佢主意。但籌備時間好短,阿博仲要拍新劇《法政先鋒IV》及練習台慶項目,心思熟慮3日先決定,他形容當時內心忐忑:「演唱會同平日出去唱歌係兩回事,即時嚇窒反思:『我究竟係咪ready?』等咗咁多年就係呢個電話,但係呢個電話嚟到竟然成為無形壓力。最終諗通咗,點都要試一次,得與失經已不再重要。」

  不過,阿博愈近開Show真心係驚:「個人變得好混亂,真係隨時會心臟病發,所以我成日同人講,我開到處男個唱唔等於係成功嘅第一步,等我平安過渡12月9號再算,唯一開心嘅係可以還原歌手身份,當年喺邊度跌低,喺邊度企番起身。

  2005年我由組合赤子出身,係全職歌手,好景不常,3年後被解散打回原形做孤兒仔,被逼喺中環一間音樂餐廳打4千蚊兼職工,幫藝人set咪,放低身段重新整理自己,呢段時間學會忍耐同技能。」

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd