首頁 日報娛樂

卸任後一身鬆 雷莊兒成個人開心晒

01/12/2018
■雷莊兒為人應該幾Nice,同朋友傾偈好好笑容。
■雷莊兒為人應該幾Nice,同朋友傾偈好好笑容。 (1/7)

  因為當選後被部份網民瘋狂嘲笑似男人,所以17年港姐冠軍雷莊兒一直唔開心,亦明白香港人唔多鍾意佢,所以一早講明唔會簽約TVB,卸任後亦會返加拿大生活,香港嘅事從此唔再關佢事。因為卸咗任,所以佢輕鬆晒,約男友人行街都無避忌,行路好似識飛咁,總之好開心。 

 採訪:李權威

  前港姐話返加拿大會做番幕前,佢話:「嗰邊有幾份工等緊我,因為荷里活嗰邊好需要中國人面孔嘅演員,自己有信心可以做得到,由細到大都好希望拍西片,今年都學詠春同埋不停做運動準備,希望做打女拍動作片因為覺得好刺激。」祝你好運。

講唔完話題

  日前下午,孭住個大袋,着住貼身褲同化咗淡妝嘅前港姐同男友人現身銅鑼灣,前港姐笑得好開心,同男友人又好好傾,笑吓又講吓,行過見到有三文治賣,前港姐又買咗件,然後兩人邊行邊講,講極唔完,等車講,搭車講,作為旁人會戥佢哋個嘴攰,因為太嘈聽唔到兩人講乜,然後目送兩人到金鐘轉車往九龍方向,拜拜,唔阻你哋傾偈嘞。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd