首頁 日報娛樂

食拉麵啜爆「前世情人」 甄子丹愛妻初搭電車母子情深

01/12/2018
■食完拉麵,詩詩溫馨錫錫兒子James,同阿仔感情好close。
■食完拉麵,詩詩溫馨錫錫兒子James,同阿仔感情好close。(1/7)
■子丹上月去新西蘭拍迪士尼片《花木蘭》,臨返港前捉實李連杰自拍。
■子丹上月去新西蘭拍迪士尼片《花木蘭》,臨返港前捉實李連杰自拍。(2/7)
■詩詩母子被司機提點後,由後門上電車。
■詩詩母子被司機提點後,由後門上電車。(3/7)
■兩母子首次搭叮叮,梗係要影番張相留念。
■兩母子首次搭叮叮,梗係要影番張相留念。(4/7)
■子丹日前和出國交流嘅大女Jasmine差唔多時間返港,詩詩帶母親和兒子去接機。
■子丹日前和出國交流嘅大女Jasmine差唔多時間返港,詩詩帶母親和兒子去接機。(5/7)
■詩詩和孻仔行街愛做連體嬰。
■詩詩和孻仔行街愛做連體嬰。(6/7)
■化淡妝嘅詩詩,是日活動係同10歲兒子「拍拖」行街。
■化淡妝嘅詩詩,是日活動係同10歲兒子「拍拖」行街。(7/7)

  宇宙最強甄子丹月前抽空陪老婆汪詩詩飛去非洲肯雅睇動物大遷徙,再往毛里求斯二人世界,之後又飛咗去外地開工。湊仔大任就交畀「萬能愛妻」啦!日前下午,見甄太湊10歲孻仔James(甄濟嘉)去大坑食拉麵,兩母子不時攬攬又錫嘴仔,好鬼sweet。平日有七人車管接管送,當日詩詩就選擇同阿囝「自由行」,貼地搭電車落銅鑼灣,但兩母子居然走到車頭上車,似乎係第一次搭「叮叮」,然後往上層開心自拍遊車河。

55歲嘅「愛妻號」子丹和年輕18年嘅愛妻汪詩詩,結婚15年仍甜蜜滿瀉,兩人育有14歲大女Jasmine(濟如)和10歲幼子James,被甄太教到文武雙全,全無公子公主病!早排,子丹飛咗去新西蘭約成個月拍迪士尼片《花木蘭》,仲喺片場同素顏鞏俐興奮合影。日前人夫拍完臨返港,又與惺惺相惜嘅李連杰自拍。

  老公努力吸金,詩詩亦好enjoy湊仔。日前下午1時許,淡妝詩詩同阿仔上演「港版媽媽去哪兒」。二人先去大坑歎拉麵,兩母子並排坐食得好滋味,食飽飽抹完嘴仔,星媽當阿仔BB咁湊,好溫馨錫錫「前世情人」,再冧笑望實兒子,甜在心頭。之後,小王子拎住罐汽水跟黑超母親步出,星媽搭住兒子膊頭散步行往維園對開等電車。當「叮叮」埋站後,詩詩兩母子竟走到車頭上車,被司機提醒後,詩詩尷尬笑笑再帶兒子由後門上車,然後揀正頭排坐,方便睇風景,又溫馨自拍遊車河。

「港版媽媽去哪兒」

  話咁快兩個站,詩詩同阿仔攬到實落車再行百貨公司。第一站當然係以小王子行先,詩詩帶兒子去買鞋,連試4對鞋,最後James試咗對有轆嘅「暴走鞋」,兒子勁滿足,媽咪即識做畀錢,James仲即買即着,不時喺媽咪面前滑行,O氹到詩詩猛咁冧笑。其後,星媽再睇吓廚具,無收穫就齊齊行去世貿中心,買多盒cake才由七人車接載回家。

採訪 : 張詠森、梁志明

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd