首頁 日報娛樂

孖女歎慢板揀護膚品 梁家輝愛妻陪等一個鐘

03/12/2018
■左起 : 梁家輝太太、細孖Nikkie和大孖Chloe喺護膚品店逗留近一小時才走人。
■左起 : 梁家輝太太、細孖Nikkie和大孖Chloe喺護膚品店逗留近一小時才走人。 (1/7)
■梁家輝穿背心黐假鬚,扮Freddie Mercury唱歌,在阿B個唱掀起高潮。
■梁家輝穿背心黐假鬚,扮Freddie Mercury唱歌,在阿B個唱掀起高潮。 (2/7)
■梁家輝不時帶孖女四圍飛,享受親子樂。
■梁家輝不時帶孖女四圍飛,享受親子樂。 (3/7)
■索孖女一早名花有主,Chloe(左三)和男友Matthew拍拖4年;Nikkie亦常帶外籍男友Tyler Toscani參加梁家聚會。
■索孖女一早名花有主,Chloe(左三)和男友Matthew拍拖4年;Nikkie亦常帶外籍男友Tyler Toscani參加梁家聚會。 (4/7)
■孖女坐低填表,似做會員。
■孖女坐低填表,似做會員。 (5/7)
■江嘉年喺附近睇衫hea時間。
■江嘉年喺附近睇衫hea時間。 (6/7)
■大孖Chloe臨走時買件飯糰,邊行邊食。
■大孖Chloe臨走時買件飯糰,邊行邊食。 (7/7)

  60歲型爆人夫梁家輝,上星期喺好友B哥哥(鍾鎮濤)嘅紅館個唱上扮英國樂隊Queen已故主音Freddie Mercury搶晒Fo。星級Daddy超有魅力,佢對孖女梁穎晨(Chloe)及梁靜禧(Nikkie)亦被捧為最索星二代之一。日前下午,家輝嫂江嘉年湊兩個囡囡行中環ifc,見27歲嘅孖女幫襯日本貴婦級護膚品牌,慢慢揀完仲入埋會,搞到媽咪乾等成個鐘。難得廿四孝媽咪全無怨言,又坐又企陪等囉! 採訪 : 張詠森

  愛妻號梁家輝和太太結婚31年,育有一對省鏡孖女Chloe和Nikkie。囡囡自幼喺加拿大讀書生活,衣着打扮一向性感明艷照人,加上身材豐滿,被網民捧為新女神。引嚟唔少經理人及電影公司向佢哋招手,daddy亦表明唔反對愛女入行。

  日前下午,梁太陪孖女行中環ifc。三母女喺一間日牌頂級護膚品店逗留咗好耐,主要係Chloe和Nikkie揀護膚品。買完一袋戰利品,店員仲游說孖女即場填表做會員,見佢哋坐低填form,又聽吓解說等,有排等,媽咪就同囡囡交代聲,然後喺附近店舖睇吓衫,打發15分鐘才折返。返轉頭仲未得,梁太索性坐低慢慢等,前後等咗近一小時才離開。臨走前,大孖Chloe買咗件飯糰一邊行一邊食,然後三母女先搭(車立)走人。

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd