首頁 日報娛樂

住2000萬樓好鬼慳 少爺占帶囝囝食十蚊腸粉

04/12/2018
■少爺占成日話想谷肥囝囝,呢日就一家落街食腸粉做tea。
■少爺占成日話想谷肥囝囝,呢日就一家落街食腸粉做tea。 (1/6)
■甄太係咁餵兒子密密食。
■甄太係咁餵兒子密密食。 (2/6)
■少爺占落街放狗,順便帶寶貝仔踩單車放電。
■少爺占落街放狗,順便帶寶貝仔踩單車放電。 (3/6)
■兩夫婦揀生果時,阿仔踩走咗,嚇親媽咪。
■兩夫婦揀生果時,阿仔踩走咗,嚇親媽咪。 (4/6)
■早前,少爺占帶妻兒去超蓮開嘅牛肉麵店試食,兼同好友敍舊。
■早前,少爺占帶妻兒去超蓮開嘅牛肉麵店試食,兼同好友敍舊。 (5/6)
■日前,少爺占話老婆去打排球,變成父子日。兒子陪父親揸車途中瞓咗,溫馨得嚟又好笑。
■日前,少爺占話老婆去打排球,變成父子日。兒子陪父親揸車途中瞓咗,溫馨得嚟又好笑。 (6/6)

  商台DJ少爺占(甄子康),06年秘密跟青梅竹馬幼稚園同學冼燕珍結婚,14年4月榮升爸爸,誕下兒子和天(Timmy)。平日鬼馬愛玩嘅阿占,面對B仔即化身慈父。日前下午,少爺占夫婦喺筲箕灣寓所下放狗兼帶寶貝仔踩單車,其間一家人去咗食腸粉當下午茶,消費十蚊,O氹到囝囝食到舔舔脷,好抵呀! 採訪 : 梁志明

  少爺占同當奴組成嘅I Love You Boyz(艾粒),月前為BOYZ嘅九展演唱會做嘉賓,當時二人宣佈入紙紅館舉行演唱會。日前,艾粒分別喺ig放短片留言,慨歎「咁樣等落去唔係辦法!」唔通之前網傳4月開騷,仲未有期?!

  一切未落實,少爺占一得閒就同太太連體湊仔。日前下午,人夫帶家人和愛犬喺筲箕灣寓所樓下玩。少爺占現居嘅特式戶,係佢15年連沽兩個港島區物業套現兩千萬,再以逾2,600萬購下嘅筲箕灣房協樓王。

  當日,兩公婆輪流拖狗仔,4歲半Timmy就笑笑口駕住三輪單車。玩咗陣,一家人去食腸粉,少爺占同店姐姐有講有笑,明顯係熟客仔。見甄太不時餵兒子,阿囝亦食得好滋味。正如少爺占早前被影到一家三口喺連鎖快餐店食一個tea,當時人夫說阿囝喺餐廳食胃口好啲,唔想兒子似佢咁奀呀!食完嘢,兩夫婦再買多袋生果,就帶囝囝返家。

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd