首頁 日報娛樂

首度合演音樂劇 黃妍湯駿業綵排變大食會

04/12/2018
■黃妍和阿Dee雖是初次合作,從唔使夾就襯到絕的裝束,就知他們幾有默契啦!
■黃妍和阿Dee雖是初次合作,從唔使夾就襯到絕的裝束,就知他們幾有默契啦! (1/6)

  黃妍跟湯駿業(Dee)最近首次在音樂劇《吃貨的人生》合作,這是黃妍首度參演劇場演出,原來一切全因湯駿業眼光獨到發掘。而今次兩人不但要在台上演戲和唱歌,仲要煮埋嘢食。這天兩人趁空檔練歌,黃妍話平日都有煲吓湯,勉強應付得來,湯駿業即叫她預埋他一份,兩人仲相約綵排時各煮美食分享。

採訪:杜淑霞 場地:Redmr 紅人派對

  今次《吃》劇,創作同樣出自湯駿業手筆,靈感來自俗語「When life gives you lemons, make lemonade.」,「我們成日聽到人話,食啲咩變點樣嘅人,我哋平日經常會遇到好似檸檬一樣咁難啃嘅事,假若遇到呢啲唔開心嘅事,試吓換個角度開心面對,可能會有另一番感受。」

  阿Dee謂創作劇場期間,偶然機會下見到黃妍演出,覺得對方好適合演舞台劇,「嗰時佢仲未正式出道,我覺得台上自彈自唱嘅佢好淡定自然,唔似一般新人,好啱演舞台劇。」

  作為新人,黃妍獲前輩讚賞當然開心,不過好快就識驚,「自己對戲劇演出都好有興趣,估唔到自己咁新都有人搵我演出,當然好興奮,但諗落先識擔心,驚喺台上要兼顧咁多嘢唔知應唔應付到。」今次演出確實唔容易,除了演戲和唱歌,仲要煮嘢食,幸好黃妍平日都有下廚,「我有跟媽咪學吓煮餸,最叻係煲湯。」為食的阿Dee即申請要試飲,「我哋嚟緊綵排,你可以煲畀大家飲喎!我到時就整咕嚕肉畀大家食啦!」綵排豈非變了大食會。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd