首頁 日報娛樂

常行孖咇 母女感情100分 容祖兒 靠媽咪理財 擁5億身家

04/12/2018
■潮人祖兒唔使開工,都愛悉心打扮出街。畫家帽、大褸加長裙,好搶眼。
■潮人祖兒唔使開工,都愛悉心打扮出街。畫家帽、大褸加長裙,好搶眼。(1/5)
■容媽媽(左)明顯長肉又精神奕奕。
■容媽媽(左)明顯長肉又精神奕奕。(2/5)
■另一日,零妝祖兒一身潮服帶母親去中環置地廣場名店取貨。
■另一日,零妝祖兒一身潮服帶母親去中環置地廣場名店取貨。(3/5)
■祖兒自小跟母親及弟弟相依為命,母女感情甚好,早前與好姊妹蔡卓妍(右)帶埋媽媽,與英皇集團老闆楊受成太太陸小曼(中),齊齊慶祝母親節。
■祖兒自小跟母親及弟弟相依為命,母女感情甚好,早前與好姊妹蔡卓妍(右)帶埋媽媽,與英皇集團老闆楊受成太太陸小曼(中),齊齊慶祝母親節。(4/5)
■適逢明年是祖兒出道20周年,每當想起熱愛表演嘅「初心」,祖兒總能喺舞台上忘我演出,散發懾人魅力。近日,英皇珠寶特別邀請祖兒親自設計全新「英皇珠寶x容祖兒Heartbeat心動系列」,以「初心」為主題,帶來驚喜。
■適逢明年是祖兒出道20周年,每當想起熱愛表演嘅「初心」,祖兒總能喺舞台上忘我演出,散發懾人魅力。近日,英皇珠寶特別邀請祖兒親自設計全新「英皇珠寶x容祖兒Heartbeat心動系列」,以「初心」為主題,帶來驚喜。 (5/5)

        38歲嘅樂壇天后容祖兒,下年是入行20周年,搏命工作嘅佢多年嚟靠母親理財買磚頭,密密置富,有指現有12個物業揸手,身家約5億元,成娛圈小富婆。孝順女祖兒早前一連兩日與媽咪連體出動,無論食飯定Shopping,都預埋母親一份。眼見曾患癌嘅母親身體健健康康,乖女安樂晒啦!



容祖兒年中斥資2億元購入淺水灣道一個逾3千呎複式戶,被追問豪買樓時,祖兒笑住大呻只負責「前線工作」,其母才是大富婆享受人生!傳有5億身家嘅祖兒事業順風順水,愛情就未見明朗,年初佢和劉浩龍5年情玩完,其後被指秘密復合,近日祖兒自揭o依家同男仔拍緊拖,去年更開始雪卵,為將來做媽咪做好準備。

  日前happy friday晚上,祖兒忙裡偷閒搵母親齊齊去上環名人菜館dinner。當晚飯腳仲有同祖兒份屬好友嘅護膚品牌老闆娘余麗絲和另一女友人。一行4人由7時許歎潮州菜,談笑風生gathering至大約10時才走人。身穿長褸、畫家帽嘅祖兒率先步出上七人車,未幾增磅又精神奕奕嘅容媽媽輕鬆跟隨步出,眾人一同坐車走人。

潮裝晒長腿

  另一日,祖兒又帶母親行孖咇,現身中環置地廣場。當日素顏祖兒戴上口罩,穿上吊帶露膊top配短裙潮波鞋,再加個名店大手袋,型格出動。兩母女落車後熟悉走入一間名店,同店員say hi即睇批預留新貨。見祖兒對新貨好滿意,不時點點頭,逗留15分鐘後就挽袋戰利品走,再上七人車離開。

採訪 : 李權威、張詠森、李維隆

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd