首頁 日報娛樂

請營養師煲湯慰愛妻 準爸爸陳展鵬冧爆B女叫「陳皮妹」

05/12/2018
■化咗淡妝嘅大肚單文柔,日前出銅鑼灣買內衣。見佢睇落幾攰咁企街等車。
■化咗淡妝嘅大肚單文柔,日前出銅鑼灣買內衣。見佢睇落幾攰咁企街等車。(1/8)
■買完袋內衣嘅單文柔,等車時一直低頭玩手機。
■買完袋內衣嘅單文柔,等車時一直低頭玩手機。(2/8)
(3/8)
■10月13日,初孕單文柔堅持繼續在遊艇舉行婚禮,簽紙時上圍谷奶好養眼。
■10月13日,初孕單文柔堅持繼續在遊艇舉行婚禮,簽紙時上圍谷奶好養眼。(4/8)
■日前,單文柔po新相話好期待2019年來臨,梗係啦!迎接小公主嘛!
■日前,單文柔po新相話好期待2019年來臨,梗係啦!迎接小公主嘛!(5/8)
■早前,單文柔宣佈懷孕前,曾穿睡衣出席內衣品牌活動,當時已秘密佗「小豬女」呀!
■早前,單文柔宣佈懷孕前,曾穿睡衣出席內衣品牌活動,當時已秘密佗「小豬女」呀!(6/8)
■11月中,已公告喜訊嘅單文柔和另一人妻陳凱琳一齊出活動,當時已大肚嘅Grace仲伸手摸對方肚子,話要沾旺氣。
■11月中,已公告喜訊嘅單文柔和另一人妻陳凱琳一齊出活動,當時已大肚嘅Grace仲伸手摸對方肚子,話要沾旺氣。(7/8)
■新婚嘅陳展鵬和單文柔上月初曾連體出席TVB活動,人夫現在好緊張大肚妻。
■新婚嘅陳展鵬和單文柔上月初曾連體出席TVB活動,人夫現在好緊張大肚妻。(8/8)

  今年娛圈喜事重重,繼鄭嘉穎陳凱琳8月峇里結婚,日前興奮報喜快將為人父母。另一對幸福新人陳展鵬和單文柔,同樣結婚、佗B快過打針。佗住「小豬比」嘅單文柔,日前晚上戴cap帽遮孕肚獨自現身銅鑼灣買袋性感內衣冧老公。見懷孕約4個月嘅大肚婆體態輕盈,其後問返準daddy陳展鵬,佢話請咗個營養師日日煲湯畀愛妻飲,言語間仲透露正頭痕改名,笑謂老婆O依家鍾意食陳皮梅,佢又姓陳,BB名字叫「陳皮妹」啦!高興得滯自揭太太佗B女喎!

41歲嘅煎Pan(陳展鵬)和16年落選港姐單文柔(Phoebe)16年9月拍拖,蜜運兩年,今年9月10日宣佈婚訊,10月中在港舉行婚禮。一對新人上月10日於社交網宣佈「Baby is coming」。計一計數,陳太結婚時已雙喜臨門,O依家好大機會懷孕逾4個月,同陳凱琳一樣,預產期約為下年3、4月啦!



出關買內衣

  日前晚上8時許,單文柔獨自包到冚行銅鑼灣。見佢黑衫黑褲加外套幾重保護密冚孕肚。大肚婆先去一間內衣店睇內衣,話晒上圍谷奶升cup、三圍圓潤,要換過晒啲內衣啦!只見Phoebe逗留咗廿分鐘,就買咗袋衫走人。之後,陳太行至希慎廣場call車,就企定定低頭等車。等車十分鐘其間,見佢雖然化咗淡妝,但落睇幾攰,最後上車返家休息。

陪食雪糕谷肥

  記者其後聯絡準爸爸煎Pan,問佢太太近況,人夫友善回應話:「老婆好叻呀!無唔舒服嘞!所以小朋友應該好聽話嘅。(佗仔定女?)老人家話唔好咁快揭盅,等實在啲先公佈。(有無報讀產前課程?)無呀!因為身邊有好多人幫手,屋企又有人有經驗可以教我哋,畀咗好多湊仔心得。近排都苦惱緊改名啦!近排老婆好鍾意食陳皮梅,我又姓陳,BB名可以叫『陳皮妹』,幾好聽吖!(佗B女?)哈哈!唔講嘞!(Phoebe胃口如何?)早前擔心BB營養唔夠,請咗個營養師跟啦!每日都飲湯補身,我又可以補一補。而老婆又成日想食雪糕,生冷嘢唔可以食咁多,咪佢食一啖,之後我食晒!最後搞到我肥晒囉!」聽得出人夫把聲同個心好甜!

採訪 : 梁志明、方騫平

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd