首頁 日報娛樂

為《救妻》犧牲大 美棋BB扮暗戀全靠演技

06/12/2018
■剪了清爽短髮的美棋BB,大個女咗好多。
■剪了清爽短髮的美棋BB,大個女咗好多。 (1/6)
■劇中叫「叮噹」,除了姓「丁」,還因她好多法寶照顧一班宿友。
■劇中叫「叮噹」,除了姓「丁」,還因她好多法寶照顧一班宿友。 (2/6)
■劇中美棋由讀書時期已暗戀伍富橋,認真癡心又長情。
■劇中美棋由讀書時期已暗戀伍富橋,認真癡心又長情。 (3/6)
■美棋謂劇中有不少「彩蛋」,張曦雯演她索爆家姐肯定係驚喜。
■美棋謂劇中有不少「彩蛋」,張曦雯演她索爆家姐肯定係驚喜。 (4/6)
■美棋去年加入TVB,主持過不少節目,包括《生活100錯》。
■美棋去年加入TVB,主持過不少節目,包括《生活100錯》。 (5/6)
■29歲的美棋跟歌手鍾鍵威拍拖3年,暫未有意談婚嫁。
■29歲的美棋跟歌手鍾鍵威拍拖3年,暫未有意談婚嫁。 (6/6)

  「美棋BB」(黃美棋)加入TVB年多,一直以主持為主,最近終在逢周日播出劇集《救妻同學會》中飾演班長「叮噹」,為了角色美棋將留了10多年頭髮剪短,又專登搵言語治療師改善懶音及講嘢過急問題,都算犧牲大。不過,美棋覺得最困難,反而是要演暗戀戲份,她笑言冇乜經驗,全靠演技搭夠。 採訪:杜淑霞         服裝:Yennes Style 髮型:Chriss_lo122@minigsalon 場地:J.CO Dounts&Coffee Hong Kong(將軍澳)

  美棋離開港視後,加入TVB後以主持為主,已有一段時間冇拍劇,所以有今次機會她笑言演技大爆發,「真係好耐冇演戲,儲埋團火終於可以爆出嚟,講番其實我對上一次拍TVB劇,係01年拍嘅《七號差館》,嗰時我仲係童星。」

當新人重新出發

  難得有機會拍劇,美棋自然特別瞓身,監製要求剪髮亦一口答應,仲自發搵專家矯正講對白,「監製話想角色前後期有啲分別,雖然我把頭髮留咗10幾年,但為咗效果好冇所謂啦!同埋角色講嘢好慢,我知自己講嘢比較快,專登搵言語治療師矯正番,仲有啲懶音都改埋,我當自己新人咁重新出發。」

  美棋話同一班年輕演員合作好開心,大家成日講笑又「萬歲」,所以完全唔覺辛苦,唯一有難度是角色要全程暗戀人,「講我暗戀伍富橋,就算佢結埋婚,我都要默默守護佢,做埋佢老婆余思霆好姐妹,呢個真係有啲難度,我冇乜暗戀人經驗,畀人暗戀多啲,哈哈!所以今次完全係靠演技搭夠㗎!」

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd