首頁 日報娛樂

露玉膊 媲美溫碧霞咁省鏡 48歲梁小冰激晒少女味

06/12/2018
■親自湊仔嘅小冰透露「清晨五點起牀做早餐,帶孩子上學,跳舞個半鐘,減肥肉。」唔怪得外表咁young啦!
■親自湊仔嘅小冰透露「清晨五點起牀做早餐,帶孩子上學,跳舞個半鐘,減肥肉。」唔怪得外表咁young啦!(1/7)

        月尾踏入49歲嘅梁小冰,同陳嘉輝結婚18年,育有一子陳洋溢,今年都11歲嘞!日前晚上,美魔女喺尖東噴水池附近,同一位小鮮肉拍國產劇。見細細粒嘅小冰捱冷穿上露膊白裙,好pure咁喺劇組行嚟行去,非常搶眼。人妻笑起嚟更似足少女般咁燦爛happy,凍齡功夫做得好好囉!

        近排,香港開電視重播返15年港視首播即掀起話題嘅《導火新聞線》,皇阿媽(梁小冰飾)惡鬥方凝(周家怡飾)勁好睇,連小冰近日都話有睇返,話係佢「近年一個十分喜歡嘅經典角色」。

  早前,小冰喺社交網po咗佢當年選港姐時嘅舊相,90年港姐冠軍係袁詠儀、亞軍係翁杏蘭,小冰得季軍。佢寫咗一段長文留言,話自己當年參選時只有20歲,係最嬌小嘅一個,93磅、腰圍得22吋,手腳如牙籤,全身好似皮包骨,的骰身形造就佢不老傳說。

  日前晚上7時,小冰和一隊操普通話嘅crew喺尖東拍外景。見佢對手係一位年約三十歲嘅小鮮肉,對手咁young,年近半百嘅小冰都頂得住。見佢捱冷穿上露膊白裙拍戲。長髮飄逸齋賣靚樣,行嚟行去,兩take收貨。之後,佢換上一條桃紅色貼身裙,要扮飲醉酒由型男扶上車。同樣兩、三take就快靚正收工,然後馬上換返件長袖衫加外套,坐車走人。

採訪 : 李維隆

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd