首頁 日報娛樂

同視后唐詩詠《解決師》續情緣 王浩信裂骨開工博冧莊視帝

06/12/2018
■王浩信和唐詩詠呢對熒幕情侶再度合作更有默契,一埋位就交到戲。
■王浩信和唐詩詠呢對熒幕情侶再度合作更有默契,一埋位就交到戲。(1/8)
■王浩信及唐詩詠上屆齊齊擸視帝視后,唔知今年兩人有無收穫呢?!
■王浩信及唐詩詠上屆齊齊擸視帝視后,唔知今年兩人有無收穫呢?!(2/8)
■王浩信和陳自瑤屢傳婚變,今次指陳自瑤決定簽紙離婚。
■王浩信和陳自瑤屢傳婚變,今次指陳自瑤決定簽紙離婚。(3/8)
■同洪永城分手後,被捧為「不能錯過的女友」嘅唐詩詠感情未有着落。
■同洪永城分手後,被捧為「不能錯過的女友」嘅唐詩詠感情未有着落。(4/8)
■新劇快將煞科,兩人笑笑口謂終於可以唞吓。
■新劇快將煞科,兩人笑笑口謂終於可以唞吓。(5/8)
■Miss Chan唐詩詠教學生練手鐘提升默契,不過卻被後面的反叛男生丁子朗等藐爆。
■Miss Chan唐詩詠教學生練手鐘提升默契,不過卻被後面的反叛男生丁子朗等藐爆。(6/8)
■王浩信日前拍《解決師》致右手指尾骨折,仍負傷開工,在旁的丁子朗都好佩服他。
■王浩信日前拍《解決師》致右手指尾骨折,仍負傷開工,在旁的丁子朗都好佩服他。(7/8)
■右手尾指紅紅腫腫。
■右手尾指紅紅腫腫。(8/8)

        喺台慶頒獎禮前夕,再傳心死的陳自瑤辦手續向王浩信正式提出離婚!對於傳聞,王浩信回應本報記者話:「流料,無回應!」屢傳離婚,浩信懶理傳聞,如常輕輕鬆鬆,笑哂口咁開工拍TVB新劇《解決師》。見他和唐詩詠一埋位好有默契。其實王浩信早前因拍該劇致右手指尾骨折,仍負傷開工,還轉口風話望冧莊做視帝;反觀37歲唐詩詠卻似放軟手腳,自稱單身嘅佢坦承期待聖誕節開P搵新仔呀!

上屆視帝視后王浩信及唐詩詠在TVB劇集《不懂撒嬌的女人》中飾演Cherry同Saving哥,劇中未能開花結果,好彩兩人獲無線戲劇製作總監劉家豪撮合「再續前緣」演《解決師》,日前兩人到九龍塘香島中學拍一場校園戲,講丁子朗和容天佑等學生哥打欖球唔夠合作性,所以體育老師「O Sir」(王浩信飾)安排音樂老師「Miss Chan」(唐詩詠飾)教學生練手鐘提升默契。王浩信上周拍一場綁架戲意外受傷,被反綁坐椅嘅佢連人帶櫈跌落地壓到尾指,令右手指尾骨折要打石膏。當日負傷開工,他表示傷口仍隱隱作痛:「醫生話兩至三星期先可以康復,由於要拆石膏開工,醫生叮囑我盡量小心。噚晚打完兩吓,傷口又紅腫晒。好彩得返幾日就煞科,而且我係用開左手嘅。」忍痛開工,太太陳自瑤有冇心痛?他簡短說:「家人都有關心,而且當然支持我啦!現已冇大恙,仲可以照顧到囡囡。」

  喺台慶頒獎禮前夕,王浩信咁搏命,是否想冧莊做兩任視帝?佢就話:「得獎係要睇演出,我相信觀眾眼睛係雪亮嘅,佢哋會留意到我喺《兄弟》入面交足功課。(但你劇接劇冷落妻女,係咪要得獎補償呀?)唔講太太咁多喇!當然我好想攞獎,因為對手『在哥』馬德鐘、『大帥哥』張衛健都好強。」修心養性的他又自爆,為響應減碳生活食咗8個月素食,O依家除咗皮膚好咗,情緒冇咁波動,少了七情六慾,家人都會盡量配合飲食。

唐詩詠 聖誕P搵新仔

  另一邊廂,唐詩詠逢初一、十五都會食齋,同時會定期去禪修洗滌心靈:「拍劇有太多喜與悲,當中過程壓力太大啦,要學會放鬆自己,等自己得到生活平衡。」她坦言會保留實力,留待明年憑《解決師》和《白色強人》角逐視后。早前,佢被影到與有3億身家、「英識教育」執行董事陳思銘密會,詩詠只謂對方係「新朋友」。她笑說:「我期待參加聖誕party認識更多唔同界別嘅新朋友,每個新朋友都可以花啲時間了解一吓,睇吓有冇機會發展,以前我好怕見唔熟嘅人,O依家開放自己,新相識朋友中有做IT、PR,甚至老師,對演戲好有幫助。」

採訪:方騫平

攝影:李權威

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd