首頁 日報娛樂

18歲大仔內地出道 洪欣升呢星媽湊女扮靚

07/12/2018
■對素顏好有自信嘅洪欣,搽唇膏後sharp晒。
■對素顏好有自信嘅洪欣,搽唇膏後sharp晒。 (1/6)
■韓風look嘅張鎬濂現身北京機場,被指似S.H.E嘅Ella(陳嘉樺)。
■韓風look嘅張鎬濂現身北京機場,被指似S.H.E嘅Ella(陳嘉樺)。 (2/6)
■阿媽睇緊嘢,晞彤自得其樂拉筋,好搞笑。
■阿媽睇緊嘢,晞彤自得其樂拉筋,好搞笑。 (3/6)
■洪欣喺專門店買手袋吊飾時,抱囡囡坐櫃台。
■洪欣喺專門店買手袋吊飾時,抱囡囡坐櫃台。 (4/6)
■洪欣帶埋母親,三代同堂溫馨行街。
■洪欣帶埋母親,三代同堂溫馨行街。 (5/6)
■洪欣和丈夫張丹峰都支持兒子張鎬濂入行。
■洪欣和丈夫張丹峰都支持兒子張鎬濂入行。 (6/6)

  48歲美魔女洪欣,早前傳佢個國產嫩夫張丹峰,疑似「偷食」女經理人畢瀅,恩愛夫婦關係掀暗湧。其後,兩公婆努力澄清,雨過天晴啦!近日,洪欣嘅18歲大仔張鎬濂(Ashley)落實喺內地正式出道,阿媽見乖仔圓明星夢,一身鬆晒!日前晚上,素顏洪欣和母親湊囡囡晞彤行銅鑼灣,買完名牌吊飾又睇化妝品。試完唇膏嘅星媽,增添星味,成家都注定食「娛圈飯」呀!採訪 : 梁志明



  洪欣09年嫁畀細佢十年嘅國產嫩夫張丹峰,婚後為夫誕下萌爆女兒晞彤,加埋佢同莫少聰所生嘅兒子鎬濂,一家四口好幸福。近日,18歲鎬濂繼承父母衣鉢,有指打扮韓風嘅Ashley簽約內地公司「樂華」做范冰冰胞弟范丞丞師弟,並準備參加節目《偶像練習生》第二季。

  日前晚上7時,見洪欣帶母親湊4歲半小公主行銅鑼灣。三代同堂先去睇手袋吊飾。零妝洪欣睇中一個馬仔造型嘅吊飾就馬上購下,其間又同可愛囡囡玩,O氹到小公主哈哈笑。之後,洪母自己去買嘢,洪欣就帶囡囡去時代廣場睇化妝品。晞彤見到色彩繽紛嘅化妝品好開心,嚷着要試,但媽咪say no,小公主亦乖乖無嘈,行埋一邊自己玩。見洪欣用手指搽唇膏tester,連試幾隻colour,最終買咗兩支走人。

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd